曼谷Thong Lor 蚊型安靜清潔夜食市

由Thong Lor BTS 站望下去就會已經見到呢一個夜市!

呢個夜市本來比現在的面積大啲,後來因為市區重建攤檔變得越來越少!一眼見晒!

但其實關係唔大,因為黎得的人主要係唔係因為熱鬧而係想靜靜地,清潔地食吓大排檔風味!有細路或老人家最啱,吾洗同人迫!

價錢方便當然非常合理,款式方面雖然不算包羅萬有,但你需要的炒粉麵,乜乜沙律,串燒,冬陰公湯,椰青等都應有盡有,椰青也只是40Bhat一個,臨走前我會提議大家買啲生果回酒店,而青芒為例都是20Bhat 一包即 hkd5!

Advertisements

曼谷火車夜市@ MRT Thailand Cultural Centre

事緣點解會去呢個火車夜市而唔去其他夜市呢?主要係因為我未黎過,而且當晚剛剛參加完KKDay 一天遊佢就在這裏解散,所以參觀這個夜市就適合不過。

火車夜市其實係冇火車架但有好多大排檔食肆及shopping嘅攤檔。

黎火車夜市嘅方法十分簡易,因為佢位於MRT Thailand Cultural Center exit 3旁。

一入場左手邊就是shopping區,右手邊就是食物區。

今次試了一間燒烤定喺度味道都不錯,我特別推介那份鹽燒魚好鮮味!只係260 Bhat !

這一個夜市十分擠擁,可能我去嘅時間係週末更加多人!

https://itravelblog.net/19354/amp/

臨走前再買串燒返去one bedroom apartment 享用!

泰國Bangkok抵食優雅法國餐 – 必去

喺機場無意中睇到一本介紹泰國嘅書,介紹位於Phrom phong 呢間餐廳就炒起左個名,去到泰國之後再上網了解一下!發覺佢嘅評級非常好,而且一啲都唔貴!午餐只係390baht 就有三道菜加咖啡,晚餐都只不過係990 baht 。星期五,六仲有live Band。

我哋預先上網睇定餐牌決定食乜!最後竟然有機雞腿賣晒轉了牛面肉,老公開心到發左顛,事緣係佢唔想加錢食龍蝦,對魚又唔大興趣,海鮮更加唔使講,話想揀漢堡包當然俾我否決啦,結果揀嚟揀去唯有揀有機雞腿…

佢上菜嘅速度唔快唔慢恰到好處環境更加係一流,我星期一去食,沒有太多人,唔怕迫,感覺好寫意。用390baht 相等於一百蚊港元去換一份寫意,真係好值!

可以預先上網睇定餐牌同埋可以叫酒店致電餐廳為你預訂位!

http://www.levendomerestaurant.com/home/set-lunch-menu/