大阪市天神區發現新Tea Time 好去處🍩

天神是地下鐵的一個站,天満是JR 的一個駅,即是說無論你搭Metro或JR 都可以到來這裏!

Donut 一向不是我杯茶,尤其最怕上面啲糖漿。但由於行極都沒有一間啱我們心水的下午茶餐廳,所以決定一試 !有啲餐廳有咖啡就冇蛋糕,有啲餐廳又話冇非吸煙區!

我們點了一杯熱咖啡一杯凍咖啡同埋兩個唔同款式的Donut!店內所有donut 都是由豆乳製成,質地十分細緻亦出奇地好味!至於咖啡更超出一般的水準,200円之內的 Donut 售價,另外難明店主怎樣維生?

https://retty.me/area/PRE27/ARE92/SUB62105/100001331982/?utm_y_sp_res_title

我們之後還試了豆乳雪糕🍦!同様出色⋯⋯

寫緊呢一個post途中我好想再食多一個Donut 😋🍩

Advertisements

難以忘懷系列之倉敷西餐

兩年後再來倉敷決定再來美術區的西餐用膳,那個port wine dish 實在太令人回味,那份牛扒真的很小但太好味!

老板娘仍依舊讓我們慢慢研究餐牌,由於我用餐的日語太流利,老板娘沒料到我們其實需要一份英文menu。哈哈!

知道我們2016年幫襯過,再回來,當然開心招待!我們order 了兩份難以忘懷呠酒牛扒set ,太美味,忍吾住再order 一份紅酒雞,真的估吾到呢份雞真的吾比牛失色⋯雞味濃郁,真的太幸福了!全程包場👏👏👏👏

這種傳統的烹調實在令人回味再回味。

其實這間餐廳價錢一點也不平宜,一份牛扒3000円(是一件很少的牛扒),如果想將主菜轉做set 有一份細沙律,一碟飯入面包同一個餐湯就要加500円,至於非牛類,價錢反而相當合理,例如紅酒雞一份也只是1000円而且有兩件!

今個晚餐點了兩份牛一份雞,一共消費了8000円,即$640港元⋯雖然貴,而且份量不算太多但實在太美味!

由於我真的不知道我會唔會在蒞臨倉敷,所以我決定加多碟紅酒雞作總結,老闆娘還叮囑記得再來第三次啊!

名過於實的白浜Tore Tore Market (未如理想)

今次再到來白浜其實有三個原因:

1)上次行程緊密被迫放棄了Tore Tore 市場

2) 上次同樣地放棄了白浜沙灘

3)白浜溫泉實在太吸引,而今次用到超平價book 到Nanki Shirshama Marriott

到達白浜後第一時間撘巴士去Tore Tore 市場,因為如果太好味,明天可以再去!但事實係上次用餐的 2/f Fisherman Wharf 竟然比Tore Tore 更好味,更精緻,我真是大失所望!

我唔可以食佢啲魚生係吾新鮮,但真是沒有surprise!一致決定明天取消Tore Tore 濱燒的行程。

和歌山駅東口一間難以忘懷的燒鳥店

喺香港食串燒閑閑哋都要20幾蚊一串,而且燒出來也是普通貨仔,所以返日本一定要食串燒。見到燒鳥兩隻字或居酒屋三隻字通常都可以搵到一啲好味嘅串燒。

和歌山駅其實並沒什麼特別,一般人也未必會到來,而我今次同2016年同樣在和歌山駅住一晚,明早一早出發去白浜!

而在我記憶中2016年曾經食過一間超級好味的燒鳥店所以我一定要憑記憶再去一次!

我發覺我嘅記憶力真係超乎常人,竟然為咗食可以一take 過從東口行到去燒鳥店。而老公大人只是說隱約記得光顧過這間店舖!

這間店舖,獨沽一味只有雞🐔!我記得上次我無知的問有冇牛架?店員說only chicken 而今次我同樣犯了這個無知的錯,我問有冇豚㗎?兩年後的答案仍然是,only chicken 🐓 !

我一推門,店員見到我同上次一樣出現驚訝的情況,原因唔係因為佢認得我,而係佢地唔識英文亦覺得我唔識日文!

我被安排了坐係吧枱,叫了飲品及小菜後,我就攞出電話同店員說我是2016年來過的,他很驚訝還立即告訴店主!其實答案好簡單,嘢食好味我咪再次到來囉!老闆開始問你究竟一年嚟幾多次日本⋯哈哈哈,好問題!

老公講得啱,這間餐廳真是超乎水準得令人回味。而他卻偏偏回味到只可隱約記得!

無限升級:香港機場Premium First Lounge

九月飛名古屋時由機場職員介紹Premium First Lounge 的設施及服務,看來十分有睇頭,結果忍唔住10月飛大阪決定喺香港機場一試其服務!

一般信用卡都提供免費Priority pass,這一種就等於Economy 的服務,人又多又要排隊,我今次要介紹嘅Premium First 並不等於economy 轉Premium Economy 而直頭等於economy 轉Business Class 的分別!

我地先講費用,1010 the club 用戶可享一年免費一次,而其他普通Premium Lounge 的免費credit card 客戶可以加$200 upgrade 到呢一個Lounge ,而付$200 upgrade 的客人會有一個緩水壺及一碟Parma ham 及 cheese 作禮物!這份禮物很貼心,你可以上機之前,麻煩職員在亂水壺內放入喜歡的水或茶!

此外無論是免費的或是加$200upgrade 的客人,同様獲得十分鐘免費泰式按摩!我親身試過這個按摩真係好掂!

到達餐廳位置一職員會問你想飲什麼可以叫果汁,cocktail ,mocktail 或不同的茶!喜歡飲酒嘅朋友亦可以選擇不同年份,例如12年嘅威士忌!是免費的,然之後就可以揀選你心儀嘅主菜!每一份主菜都是有廚師職場煮起不是預先做好的,此外還有服務嘢細心送到你的枱面!

食完主菜,你亦可以試吓其他預先放喺枱面的食物例如麵包及用Le Creset 承載着的西洋菜豬骨湯或忌廉三文魚湯!

唔夠飽仲,可以order魚蛋粉及魚肉粥!服務員還很細心會問你如果驚太飽可以order半碗都得!你可能會話普通都有魚蛋粉食,點解要喺呢度食?因為呢度個魚蛋粉係用湯唔係用水,此外還送上美味嘅XO醬令魚蛋粉味道激進提升!

食到飽晒係時候揀甜品,甜品種類簡直可以比美酒店!食完後,服務員還會細心問你坐邊一班機幫你留意boarding 的位置。這樣的服務,我真是無話可說⋯⋯

嫁到這世界邊端三之營養湯水

做一個家庭主婦當然最緊要係識煲湯,但係其實我比我老公更加鍾意飲湯,所以其實真正係為咗自己而煲,哈哈哈!

其實一個星期吾飲湯已經好辛苦,好難頂,而坊間嘅乜乜工房亦唔係好啱我口味。所以唯有週末調動啲時間去購買煲湯嘅材料!

今次要介紹嘅湯係我表姨教我煲的,以下是我的改良版。粟米紅蘿蔔栗子南瓜煲豬展湯!

4人分量材料包括:(如果你購買的價錢比我貴很多,看來家庭主婦這份工真的不適合你)(如果你想所有材料都在同一地方購買,家庭煮婦這份工真的不適合你)🤫🤫🤫

栗子$11蚊一包

粟米$10。3條

紅蘿蔔$8.9一包 (惠康)

西班牙豬展$47 兩Pcs

南瓜$5一份 (事實係平都冇朋友)

一共$82

如果喜歡食南瓜,可以分兩次落,免得所有南瓜也容曬!