"健康原困講多D"節目分享

大家有沒有去過日本四國小豆島?我就有幸去過兩次,因為第一次我老公無意中刪除晒電話裏面小豆島的相片令我晴天霹靂,佢結果應承陪我去多一次亦都係短期內對現!👍

小豆島出名橄欖油,根據測試大部份居民的血管也比實際年齡年輕15年左右!

原來要保持血管年輕,秘訣係都多食橄欖油及麻油⋯⋯有些人加入沙律,有些人加入乳酪,或者用橄欖油楂麵包也可以!

綠茶控@Chateraise

沒有得去日本的日子實在難以忍受,要約心情好過啲唯有利用日本的食物調劑下

如果你也喜歡特濃綠茶的口味,你要試試以下的綠茶雪糕及雪條,唯一美中不足雪糕的甜筒有啲林不是脆卜卜!已向商舖反映!

買的時候不要忘記叫他們提供免費冷凍劑作保溫啊!

P.s. 我有試過雲呢拿味甜筒,比較creamy and heavy

自家製酒樓菜之百花釀蟹鉗

材料方便先要準備急凍蟹鉗,市面上有很多包裝的日本蟹鉗,質素相當唔錯,我採用的就是以下圖片那種,價錢大概$120左右一大包。

除釀蟹鉗需要的另一樣材料一般人也會選擇蝦滑,我家皇上剛剛遇上對蝦敏感所以唯有改用墨魚滑!

只要將那些蝦滑包上蟹鉗,然後點蛋漿,再撲生粉,之後就可以攞去酥炸,記住炸嘅時候油溫必須是大火,切記攞起全部食物才可以熄火,否則食物就會返吸入油!由於每隻蟹鉗都不是太大面積:所以你可以選擇一個比較窄而高身嘅煲那就可以慳一點油了。

食嘅時候可以配一些甜酸醬或大紅切醋也十分適合。

恐怖醫學Summary一覽之抑制血糖

每次睇恐怖醫學都好想知道究竟答案係咩,但偏偏這個節目個案解釋十分詳盡,令心急嘅我,好想快啲知道答案。如果你都好似我咁心急,我呢篇撮要解說一定幫到你。

抑制高血糖

解決方案:進食紫色食物例如藍莓、紫洋蔥、紫薯、茄子

工能:能抑制糖尿病病發

提意食法:進食時間正餐一至三小時前,.可以製作一些醃製茄子隨時進食

其他資料:注意一碗白飯等於如15粒方糖

節目一出,剛剛撞正惠康推出藍莓優惠$20.2盒,俾顧客全部掃清,呢啲究竟叫做soft sell 定係 hard sell?

鮑魚兩味 Abalone 1 Dish 2 Styles

鮑魚係香港人其中一樣至愛!

豐儉由人,唔使一定要食糖心鮑魚⋯⋯

新鮮鮑魚都可以煮得好好味!

今日我介紹嘅係,果皮蒸鮑魚同冰鎮醉鮑魚。

廚藝技巧難度:負1 (適合冇入廚經驗的人士)

1) 果皮蒸鮑魚基本上冇難度,先叫街市檔口洗乾淨鮑魚,最好嘅話係叫佢幫你將鮑魚同殼分離,方便你回家處理!

回家後將羗絲果皮絲有咁幼切咁又幼,備用。

將鮑魚放落碟,放上已準備好的羗絲及果皮絲,然後隔水蒸7分鐘,準備好豉油熟油淋上面,即成!

家庭觀眾呂生問究竟果皮使唔使浸水之後去衣呢?其實啲衣會有少少苦味,但係蒸野無需太在意但煲湯就一定要經過呢個程序!否則果皮唔靚、唔係正宗新會、成煲湯會苦晒!

2)醉鮑魚,首先用以上方法蒸熟鮑魚,無需放入豉油熟油,攤凍之後,把鮑魚肉及李錦記醉雞汁撈好後放入密實袋,四五個鐘頭之後可以切薄片,上碟!用來宴客一流!你還可以準備一些碎冰放在底部,更有睇頭。

健康專欄 (2)

家居其實需要一些檢視健康的用具,以下是其中一些非常有用的

1)電子探熱針,通常如果有焱証或其他身體的毛病都會出現發燒的症狀,所以電子探熱針是家居必須的,尤其是有老人家,小孩或長期病患者

2)心跳血壓計,除了發燒,血壓也是一個健康提示的警號,血壓太高或太低也要非常留意!嚴重的隨時要即刻入院

3)平安包,平安包顧名思義是最緊急時保平安的藥物袋,膠布、止痛膏不能少,必理痛係需要放在內。

洋蔥肉碎番茄醬螺絲粉

材料:

洋蔥大半個 (菜式的靈魂,不可缺少)

西班牙肉碎一Pack ($27.5)預先用鹽、糖、豉油,胡椒粉醃好

螺絲粉三分之一包 (購自759)

日式包裝鮮茄醬一包 (購至759)其他味道我也試過,唔係咁啱我口味,只係呢一款比較出色。

先把洋蔥切細粒,將洋蔥粒同肉碎一同起鑊炒。

放入滾水加入鹽同油,再放進螺絲粉一起煲。十分鐘後熄火,繼續用蓋,直至螺絲粉質地完全變林!的確需時!

把水倒出,然之後用已炒好的洋蔥芫荽粒加入番茄醬再加入螺絲粉撈好,煮一煮,即成。

如果想再開心一點,可以加上隻煎太陽蛋!

健康專欄 (1)

健康真是有錢都買唔到,但如果要長期食啲無味食物事實又真係好難頂!

以下是需要注意的事項

A) 身體檢查你有做了嗎?有以下這病的必要留意.。就是血壓高、膽固醇高,糖尿高等筆⋯⋯始終有些病是要食藥的。

B) 你有適合的保險嗎?保險是應該年青時候購買,因為有了病好難購買,而且又會加保費。如果你認為你公司的保險已足夠,那個想法是非常錯的,因為 1)你有機會會俾人炒或者 2)你仲未離開公司之前已有的疾病,當你諗住離開公司了才購買人保險這些已有的疾病是不保的!

C) 決定好用邊間醫院? 地點,費用同環境都重要,仲要了解你想用的醫生能否進駐這間醫院!999 醫護車是不可以送你到私立醫院,若真的必須到私立醫院醫療必須搭的士。如果入了公立醫院,病程惡化發燒,很難轉到私立醫院的,到時會有進退兩難的感覺。

D) 一般公司的保險都有一個已包的藥物費用,大概幾千蚊左右,不用也是浪費,你可以叫你私家醫生寫紙讓你在藥房購買這些藥物!我認識的十個人有八個都不知道這項保帖!

E) 設立"醫健痛",這個電腦程式可以讓其他醫院及特定私家醫生睇到你已有嘅病歷,而作出跟進⋯⋯申請方法如下有三種。大部份公立醫院也有申請的櫃檯。可自行申請只需帶備身分證,如果幫他人申請就需要有授權書,及填下表格。

https://m.ehealth.gov.hk/en/home/index.html

F) 多查詢了解更多市民可享的事項。公立醫院一般也不會提及太多市民可以用的優惠,但如果你問,他們也會誠實回答。1) 例如電腦掃描MRI,大部份公立醫院也要排隊排很久,以月及年計,只要你有政府醫院或醫館局核下醫務所的轉介信是可以直接去私立醫院做MRI而享有七折的優惠。2)政府醫院裏面有一些復康店,可以供市民購買藥物或健康產品,他們的價錢比較便宜但必須由醫生提供轉介信才可以要會員身份購買。3)公立醫務社工能為你提供很多有幫助的資訊,讓你計劃安排出院的事項。你必須在醫院時聯絡他們,因為如果出了院之後是很難與他們溝通及徵詢他們的幫忙。4) 公立醫院社康服務,有一些病人由於行動不便是很難不停出入醫院,例如驗血,隔幾個星期又去複診,可以向醫生提出社康服務,社康姑娘會同你約好時間上門為你抽血,幫助行動不便病人。除了驗血之外,他們還有其他服務例如檢查傷口等等 ⋯⋯要留意這些服務不是免費的,但也只不過是$80⋯⋯

芋蓉帶子 Scallop on Smash Taro

芋頭半個 $10

日本帶子10隻 (無須用刺身級別)如果想慳錢可一開二,以下相片是一開二之後的厚度!

先把芋頭切大片蒸到全熟,用筷子篤下佢琳琳地就可以上碟將佢壓成蓉,加入少許鹽及胡椒粉 ⋯搓成圓餅型加上少許生粉備用!

將一個個預先準備好的芋頭蓉放進平底鑊煎香,然後上碟。之後用牛油煎香已解凍了的帶子,輕輕放上胡椒鹽,煎香了放上芋頭蓉上。最後可以放上燒汁或酸甜汁也可。

這個餸菜並不難做但程序較多,客人一定會感受到你呢份用心製作的手工菜!