成田機場不求人 Hands Free at Narita Airport 

成田而家推出運送行李服務,可以幫你運送行李到酒店,方便你一落機即刻可以玩,啱晒時間就係金錢嘅香港人,如果唔想洗咁多錢亦都可以用寄存嘅方法!

Advertisements

日本慳家優惠繼續之JCB Credit Card

JCB credit card 相信住係香港一啲都唔陌生,BEA 同 Aeon 都有出JCB啲嘅卡,就等同你唔用Visa唔用銀聯唔用Master用JCB咁解!

首先你要搵一間免年費嘅銀行去開來呢張卡或Aeon ,而且你仲可以得到新客戶開信用卡嘅優惠一舉兩得。

咁究竟呢張咭去日本有乜優惠,多囉⋯⋯你一定要keep住JCB個網址時查看佢最新嘅優惠,而我會介紹一兩項抵到爛嘅優惠,第一免費觀光日本塔,即係話你只要有呢張咭你就可以慳到500至1000円去觀光大部份嘅日本晴空塔,你話係唔係抵到想喊!


第二,大部份大阪京都嘅pass交通pass用JCB找數都有九折,而福岡更加狼死,用JCB卡竟然係免費來回機場及市區!至於北海道有更多款式嘅優惠大家不妨參考網址了解一下!或下載佢地個Apps 都可以!

http://www.hk.jcb/zh/

JCB白金卡尊享服務

http://www.hk.jcb/zh/consumers/platinum/

以上優惠只係供過人享用,如果一對夫婦去日本想享有呢啲優惠就要申請兩張最JCB卡啦!


日本各機場折扣優惠

http://www.hk.jcb/zh/consumers/travel/welcome-to-japan/airport-discount/pdf/airport_guide08.pdf

你喺日本說如果你需要協助,佢仲有一個免費熱線,萬一有問題都有一個識英文嘅人可以免費幫助你!旅途當然安心得多😋⋯⋯

成田機場Narita Airport 

雖然羽田機場比成田機場距離東京市區近好多,但可惜飛機時間通常都唔係咁適合,尤其是廉航所以大家都係可能利用成田機場較多。

落機後 upon arrival 

如果要買Tokyo subway ticket 800 円,最好係機場買定,原來唔係好多地方有得買,又要就時間,好鬼麻煩!我就係犯了呢個最大嘅錯誤!如果萬一真係唔記得買咁就要去的Big Camera買!換言之就會浪費了一些行程嘅時間!

http://www.tokyometro.jp/tcn/tips/guide/pdf/tokyo_metro_guide.pdf

想又快又方便大家都可能選擇搭Jr N E X由機場到市區或橫濱等地區,而家仲有優惠外國人嘅4000円來回票,其實非常超值又可以慳時間,班次又多!但是你會發現N E X個中心好多人,而我又白癡地係Jr 中心內排了差不多半粒鐘買票,之後才發現原來Nex有兩個分開的counter!

其實我真心希望我老公可以留意下周圍嘅環境睇吓有咩可以幫手,好過企喺度狂上網囉!同佢投訴完,佢之後都好醒目地幫手排隊買箱根pass!

http://www.jreast.co.jp/tc/nex/index.html 


上機前 upon departure 

如果你喺新宿駅出發去機場嘅話,呢個就係你要到既no 5,6 口,去搭N E X到成田空港,佢喺新宿西口及南口中間左右,所以你一定要與鬆啲時間行去!


通常check in 都會預早到機場,所以亦都係醫肚嘅時候,係成田機場你一啲都唔洗擔心,因為佢喺入關之前真係有好多餐廳(以下圖片),而且價錢唔貴!至於入關之後我親身試過啲嘢又貴又難食。

Tsukiji Fish Market 東京築地中伏後平復

一早起床趕去築地,由地鉄築地市場出口參觀場內,場外,到處滿是遊客,比起其他日本魚市場,的確大很多,多野買好多!

有刺身,有丼,有乾貨,有生果,包羅萬有。肚只有一個,要決定食邊間真的很難取捨!

千想萬想結果都係中伏!

這間餐廳"鮨勘"trip advisor 又有介紹,又有人龍,十點前已經排晒人,點知竟然超難食,我真的心碎了!我唯有寄望再食下一餐!

此刻既我已經半飽,如果再做錯決定就心死!

為了平復心情安全起見揀一樣無需冒險嘅食物就係士多啤梨福餅!心情才好番啲!


之後我哋行嚟行去唔敢輕舉妄動,結果進入了魚市場市政大廈裏面真係有好多超吸引嘅海鮮同生果,但場內有寫着不可以一路行一路食。

結果俾我哋發現原來3樓係有一個可以坐低慢慢享用嘅地方,大家安心開始行動!

首先用500円買了三個即叫即開嘅生蠔,之後選擇了一份2000 円拖羅刺身,最後到了生果鋪買了兩盒大士多啤梨再加半個11:30才切開嘅1000 円個超甜多汁蜜瓜!笑容終於出現了🤤!

啲蜜瓜真係一絕,老公超開心,對於我來講最重要當然係啲拖羅,再一次證明我嘅眼光係冇錯,實在回味無窮🤤

小田原駅 Odawara Station 

如果你吾係撘浪漫特急,你必須在小田原轉車到新宿。我本人覺如果吾係有錢無地方洗,其實都冇乜必要搭浪漫特急因為佢真係吾係特別浪漫,又只係吾洗轉一次車,快小小咁羅,不如每人慳番890円食吓野!

其實小田原有好多食店,刺身,西餐,居酒屋包羅萬有!

我今次試了一間位於駅附近橫丁內令我十分滿意的居酒屋!呢間居酒屋既串燒特別出色,而且可以選擇鹽燒或汁燒,可以令你一次過滿足兩種食法!我特別推介佢既拉麵沙律,配串燒一流!

兩個人飽晒都吾洗4000円!

如果有學生証,仲可以280円無限飲汔水潻!