松山市"大街道"酒店

之前都講過松山駅沒有太多商店及餐廳,所以建議住在大街道那邊,對面就是松山城!

呢道有三間可觀的商務酒店:

1)Dormy Inn

呢間集團式酒店,出名溫泉及免費宵夜拉麵,相信我唔需要多介紹!位置直頭在大街道內,地面入口設有足浴,非顧客也可享用!

2) Daiwa Roynet Hotel

是老牌出名集團式酒店,位置在於大街道斜對面

3) Candeo Hotel

https://www.candeohotels.com/matsuyama/

呢間集團式酒店近幾年越開越多!呢間最平的雙人房為到9300 Yen 一晚,酒店設計十分時尚,而且水力十分夠,大堂亦十分華麗,位置在大街道旁更是無敵!同很多新酒店一樣櫃檯不在地面層,而是在高層的13樓!

酒店房可以在官網訂無需付費,非常安心!

會員方面沒有太多着數,10,000円才有100分,1000分才可有少少着數!

Advertisements

四國松山城

松山城其實是又一城個friend,因為佢係又一個城堡,日本嘅城堡實在多到不得了!

呢個城來頭不小,而且面積非常之大,首先要到達城堡要坐纜車,你可以選擇坐一卡車或者一張凳都得!纜車來回都只不過是510円,用JR Pass 仲有優惠券可以減100円。纜車到達後還要慢慢行上城堡的入口,由於斜路不算太斜,一般人應該都可以容易駕馭,上到最高處的城堡入口還,可以嘆下咖啡或甘汁!進入城堡是要額外費用的,JR Pass 同樣有折扣!

這個城,你可容易花上半個小時至一個小時的時間,慢慢欣賞!

據說松山城的門鎖是根據女人的乳房建造的,當我同我家大王細説,佢以為我講笑,佢就話乳房size係唔係根據當時嘅女人既size呀?(大家看看圖片)

四國松山駅:必吃地道魚餅

由高松撘 JR 到松山,大概兩個半小時,由松山駅坐電車撘5️⃣號電車到大街道站大概15分鐘,大概十分鐘一班車, JR Pass 已包電車的費用但不包少爺列車!沒有JR Pass 每程 160 円!

到達松山駅那天已經很想購買這個魚餅,結果在離開時才有時間,我簡了中間那款,170円係超值,好想再食,店舖隔離還有堂食,仲有烏冬,大家不仿一試!

駅內有七仔及咖啡店,橙色角落頭那本就是人氣松山市食市大全,買了這本優惠書就可以優惠去唔同餐廳食嘢!這種優惠書現在在國內很流行,書中的優惠不是 Hea 優惠是堅優惠。除了七仔,在各大書店也有售,例如大街道入口的書店!

松山駅附近沒有太多店舖,我建議住在大街道那邊方便得多!下一個post 會介紹大街道的商務酒店!

日本松山市大街道平民燒肉

在大街道,我們亂打亂撞入了一間七輪炭燒,店員招呼非常有善!

我地點了

1)生牛肉 730 円 🤩🤩🤩🤩🤩 味道調教得唔錯

2)厚切牛扒 850 円 🤩🤩

3)厚切牛舌 980 円 🤩🤩🤩🤩🤩必點(看相片)呢個牛舌真係令人食指和拇指都大動,好想 Encore

4)鳮肉 480 円 🤩🤩🤩

5)白飯中size 250 円 🤩🤩🤩

我地點既嘢食唔多,留肚for part II

松山大街道對面的商店街

呢條街即松山城纜車那條街你估吾到咁百花齊放,乜嘢食店都有!

街頭有一間專注鰻魚及燒牛肉飯,啲香味會不停召喚你入去!每次行過都會呼喚你

用鯛魚做炸魚薯條你又聽過未?啲薯條比想像中更加更加好食,好味過啲炸魚

鯛魚剌身丼要排隊

燒肉好吸引,午餐價錢亦很大眾化

唐揚炸鳮店 (由於離開松山那天,時間太趕,我們就選擇了近酒店而開早上十一時的炸鳮店)

另一間我作晚餐的鯛魚店!

https://bibilui.com/2019/02/16/%e7%9c%9f%e6%ad%a3%e5%93%81%e5%9a%90%e9%af%9b%e9%ad%9a%e7%84%97%e9%a3%af/

其他食店可瀏覽以下網址

http://www.sakakumo.net/map.html#eat

其他松山資訊

https://plate.id/tiles/tiles.php?content=31129&tag=OR.10012.5936525&atp=Q&agreement=1

四國坂出市每日只開一小時的烏冬店

每天只營業一小時就知佢來頭吾少野啦!其實呢間店最主要係製烏冬而每天的一小時餐飲也是為了順應客人的要求!開舖時間為早上11點半至12點半,每天大概11:20分開始為排隊的客人下單!而由坂出駅行路到小店大概15分鐘時間!光顧的客人,九成以日本人為主!

烏冬分為,1、1.5 及 2 玉,簡單來說就是大中小的size,烏冬送上來給客人自己加上熱湯或冷汁!另外仲可以自行加腐皮或獅子狗或雞蛋每樣60円!平到你唔信!

我哋每人叫了一個中size的烏冬再加了一樣side dish 合共480円!

烏冬質地十分之幼滑,和熱湯的味道很合配!每人大概食15至20分鐘就會離開鋪頭,very efficient 。

Tips : 買單的時候,很難說明了什麼,最好先影吓相,職員就會計出你需付的價錢