Japan Emergency 日本緊急電話

Who can help you in Japan?

Chinese Embassy 


JCB toll free telephone for card 💳 members 

* on a seperate note they also offer free concierge service for card members at the airport 

JCB card other priviledges

http://tabilover.jcb.jp/tw/staff/shop_info/cat3/jcb-offers-news.html

Advertisements

全京宴 The Only Kyoto Trip April 2016

今次行程為五日,全程都係京都,你冇睇錯,係唔會去大阪,因為之前去過,下次又會去。
你可能會話全程京都都唔會悶咩?咁平時全程馬爾代夫、全程布吉又唔見你話悶?

早上九時起機一點多到達關西機場,仲要坐大概兩小時車才到京都所以先醫下個肚!係關西機場消費,你唔可以缺少呢張KIX會員藍卡,呢張卡係免費的,可以預先係網到申請又或者到步係櫃檯叫職員幫你申請都可以。呢張咭有乜用?

機場折扣多囉囉,無印良品九折,機場大部份餐廳都係九折,Unliqo九五折!你張KIX藍卡真係好有用,係超級有用。👍

更多KIX 的資訊

http://mcha-tw.com/14572


到達京都先到Mystay hotel check in ,呢間酒店位於烏丸,不過不失,反正,住京都駅住到悶。


晚上當然喺四條河原町購物及晚膳。晚餐選擇了俠侶家刺身飯之後再去星之乃咖啡歎個新鮮出爐既hot cake 兩件,係每人兩件!


回酒店之前再去supermarket 買定d strawberry 歎下。

第二天,今日既行程都吾簡單,先去上賀茂手作市集,再去祇園天周歎個天婦羅海鰻丼,再去円山公園。



呢個市集一個月搞一次攤檔多的是,係一個非常值得去嘅市集。乘坐4號或46號巴士直達!如果我冇搞錯佢應該係每個月第四個禮拜日舉行。這是一個相當大型的市集,癱檔貨品大多都係自製,有食物、手袋、衣物及食物。有啲日本人一家大細喺附近搭個帳篷,好寫意。


祗園區天周成為1100 Yen嘅當係天婦羅食海鰻丼,質素唔錯、好多人幫襯!有時間不妨一試。吾喜歡海鰻也可以選擇大蝦或蝦雜菜丼!我們剛好在臨收舖時到達,日本人好準時,兩點鐘收舖,兩點就即刻收爐,清潔,係有生意都唔會做𠺢!


円圓山公園附近好多景點行極都行吾完,晚餐就是祇園牛禪,牛禪嘅質素越來越下降,真係不想一提,連相都唔想刊登。

第三天係呢個旅程嘅主打就係宇治 Uji 同伏見觀光,要去呢兩個地方當然少得京阪電嘅one day pass成為800円。你可以選擇係三条上車或祇園四条上車也可以。

http://www.keihan.co.jp/traffic/valueticket/ticket/ujifushimi1day/?_ga=1.2781684.559506135.1434365119


伏見既稻荷大社一定要去,好特別!位於JR 旁,十分方便。街頭還有十分多類型嘅小食,任君選擇!


第四天行程就係東映太秦映画村,忍者村是也!大部分酒店也有優惠劵,折扣後2000円入場費。

http://www.toei-eigamura.com/tw/food.html

𥚃面主要係唔同嘅時間有唔同嘅表演人來參觀都幾好笑嘅。




由於太秦就在嵐山附近我們就順道去食個米之蓮既廣川鰻魚飯啦。大皇當然又話唔夠喉啦,我唯有犧牲張我個份再俾啲佢食囉。


最後一天,行程就酒店附近的錦市場,再去鴨川附近食蝦拉麵,購物,上機回港。番到屋企已是1:45 am 😱

不得不提嘅係銀聯新出特選客戶嘅機場接送服務真係一流,只要簽滿$2000卡數係30日內預訂専車就可由家中送你到機場或機場送你回家只是$250,比的士更優惠而且司機十分有質素,七人車亦很舒服。

初哥遊日本慳錢底玩攻略

近日好多友人終於決定忘記福射勇闖日本,就開始詢問遊日本🎎攻略,我就決定寫下來為大家指點迷津

1)慳錢攻略最忌只得plan a沒有plan b

先定下兩三個想去的地方,容易更改,例如你喜愛大板及東京,邊道有平機票,就book 那兒。有d朋友一咪要只定嗰個地方,一定要嗰個日子,咁只可對你說"早抖啦!"

2)避開假期

假期人又迫,機票又貴,房又貴,點平呀老友?

農歷新年後一般來説是全年的最淡季,是慳錢友的最佳旅遊時機!

3)用不同方法check 酒店價

旅行社一般定房都比較貴,所以不用多費神。

先看看tripadvisor 邊間酒店好評,邊間酒店網站提供最優惠價再相比此酒店的官方網,那已經幾足夠!日本大部份酒店也接受到達才付款,book 房時多加留意取消細節。

此外有些酒店網站有時也有coupon 九折code,多加留意!

有啲酒店網站如hotels.com提供最抵架保證,只要你係入住酒店之前係佢個網站或其他網站發現更低嘅價格,佢哋都會補返差價俾你。我親身試過多次,冇花冇假。

此外我亦親身試過,同一間酒店網站同一時間,用手機app比用電腦book貴d。

4)Book機票✈️時一定要下定決心唔可以三心兩意

諗多一秒優惠都走寶,你唔click,人哋就click左!我就係咁冇咗張一蚊機票,提起都傷心😭。依家市場好多廉行任你選擇,去程可以買少啲行李公斤回程才買多啲,例如去程一個人買30 kg兩份用,回程每人買20 kg!我吾敢講所有廉行都ok,我自己撘過Hk express及jetstar,真係吾錯!

日本咁大,你大可以一路玩,吾走回頭路,例如大板入,東京走。回程由日本綱站book,又時更平。

記得留意 jetso apps 及 http://www.meethk.com 的機票酒店減價資訊!

5)  善用優惠卷即coupon

日本係一個好多用優惠券嘅地方,地鐵周圍及酒店lobby你都會發現優惠券嘅書,例如Pepper, 見到就唔好錯過!你會發現好多意想不到嘅優惠例如免費贈飲,例如全單九折,例如送小吃一客!成日袋錢入你袋。

另外買pass都有好多優惠,例如巴士pass,JR pass沿途都會送上飲食優惠,觀光優惠,最好預先留意佢哋嘅網站!

連Duty Free 都有5 至10% coupon ,咁連買酒,買手信都有得平la。本人親試過大板機場duty free 九折coupon,福岡機場九五折相片coupon 以及名古屋九五折coupon(昇龍道pass 送的)。

係日本見到"割引"兩字,即代表減價。

6)留意退稅

依家日本好多商店都有退稅服務連7-11、藥房等都有。消耗品買滿5000 Yen就有得退稅,非消耗品買滿一萬yen就有得退。退稅時要出示護照及單據。

7)很多大型百貨公司為外國人提供九五折優惠

只要先到服務台出示護照,職員就會給你一張九五折卡。此外當然仲有得退稅啦!所以計埋即係減5%再減8%退稅,正喔!

有d"無印良品"branch 也為外國人提供九五折,如福岡天神店。

8)藥房貨品價格💴可以好大分別

要多行幾間,有啲貨品做推廣可能平成兩丶三成所以就算有得退稅都吾係最平。一定要係做緊推廣嘅藥房買野而每間藥房推廣的貨品都唔一樣𠺢!

9)於groupon買定sim card

Groupon 無限用7天的日本sim 也只是$108,因為係日本好需要用google 找地方,一張sim 卡吾走得雞。Groupon 而家好輕友discount code ,記得入code 再平d呀!

10)交通pass

日本交通費最貴,如先按排行程,看看是否需要買定巴士,電車或JR pass🚆及機場住市區特惠票。自駕遊都有toll pass,例如外國人限定的高速公路通行証"Kyushu 九洲Expressway Pass"http://global.w-nexco.co.jp/kep2015/。2500円兩天,10500円十天。

“Nagoya Expressway Pass” http://www.mypacetravel.com/archives/11610#more-11610

很多旺區都有平車飛,平JRpass 賣大家可以細心留意,例如Tokai ,可以為旅程慳唔少!

更多關於金劵及買平飛的文章(包括交通及樂園門票)https://solomo.xinmedia.com/japan/124419-letsgojp

https://matcha-jp.com/tw/4469


慳咗咁多💰錢,當然要用黎book下個trip la!

關西機場住京都的方法

最重要係你住在京都那一個位置,
如住在京都駅,最快最方便當然係撘Haruka,一早網上訂定Haruka-iccoa pass 最底(無須先付款)。可最早一個月前預定。來回京都/關西機場已包括2000円Iccoa卡在內,也只是4060円。一般單程自由席也要2850円。用這個pass慳超過60 percent 有多。

Haruka 一般一小時兩班車,有些時段,一小時一班。所以最好留意時間,免得浪費一小時。
如住在河原町的話,可選擇撘電車,1230円

http://www.howto-osaka.com/tc/ticket/ticket/kyoto.html

  

京都購物Shopping @ Kyoto

酵素洗面粉32粒裝1400円

豆乳特濃化粧水保充裝 665円  Bifesta 落粧水保充裝 475円

  
去污大幫手 100円一包   

 

青瓜調味粉及我的至愛塩匊  
宇治抹茶購於宇治 

  
其他  

幫人買的iPhone 貼,100円一張加稅。有減藍光工能  

開心杯@Flying Tiger 600円,夏天用啱哂  

  

全力勁闖河原町-京都Kyoto

選擇住近京都站附近的確有少少後悔,由於每天也忍不住到此一游,下次就住在這邊好了。

由京都駅B2站乘4,17 或205號巴士也就可到達,河原町到底有什麼吸引?答案是多野食,多野睇。平,靚,正。

河原町及鴨川中間的小路,餐廳更多的是。串焼,燒肉,拉麵,壽司乜都有,的確花多眼亂。

  

  
第一先看看錢包鬆吾鬆,鬆的話可考慮有川床的餐廳,有好野食,又能享受鴨川的美景。
其他可以考慮的食物,如炭燒牛舌…個店員較蠢,我俾張10%off coupon,佢竟然計咗1% off ,當然被我發現,我叫佢羅個計算機嚟,我教佢計!

   
  

       此外不得不提當然係我的飛佛,星之乃咖啡的hot cake-製作時間二十分鐘,熱呼呼,又鬆又軟,配黑蜜糖漿最適合。兩個人兩件吾多夠候!此外我們也order 了一份炸豬扒三文治。

全日本都有星之乃分店,我本人覺得京都呢分店特別用心,出色。