九洲博多Hakata三大唔食會後悔的地道餐廳

如果要選全日本最好玩的地方我會選福岡,因為動靜皆宜,又可以喺博多shopping,又可以去別府、由布院,浸溫泉而最重要嘅係博多距離機場非常之近!

近幾年差不多每年最少去一次福岡,每次到達博多有三間餐廳我都必定要光顧!

去光顧時必須留意每間餐廳的休息日啊,以免白行!

1)一蘭一定要行埋一邊的拉麵🍜

呢間餐廳由博多駅大概步行15分鐘就會到達!佢嘅汁燒燒肉配同佢唔軟唔硬嘅拉麵恰到好處!這間餐廳主要光顧是日本人所以味道十分地道!

Tips: ⭐️位置比較難找,必須利用 Google

2)世上最美味的燒雞翼🍢

呢間餐廳係冇中文及英文,所以每次老細見到外國人都會嘗試阻止佢哋進入餐廳,我當然唔例外但由於我嘅堅持結果也成功闖入餐廳😐!其實個老細係擔心溝通唔到,你只要拿出佢哋嘅食物相片,佢知你幫襯過又可以用相片溝通咁就得㗎啦!

佢嘅燒雞翼係全國最好味!呢度嘅全消每一串都係由老闆細心燒出來,從來沒有假手于人。

餐廳位置就在Canal City油站隔離!

Tips : ⭐️星期五晚上尤其多人最好避開這一晚,其他日子如果唔想迫人可以考慮六點去!

3)即叫即炸熱辣辣一件一件送上枱的天婦羅🍤

呢間天婦羅位於天神區Parco商場B1/F內係我一次無意中發現的!佢嘅天婦羅無論係海鮮或者肉類都非常新鮮同埋juicy ,佢一件一件等你食完再送上你面前保證熱辣辣!

雖然博多駅附近也有一間分店,但係天神店嘅水準係獨一無二!

Tips:⭐️黑板上通常有一啲時令特別推介大家不妨一試,另外天婦羅海鮮你哋可能食得多,天婦羅雞肉也十分值得一試!

Sino Japanese Peace Conference 馬關條約 1895年 @下関

一早起身由熊本出發經小倉到達下關唐戶市場,食個午餐。其實我們以前已經嚟過呢個市場,只可惜當天不是星期天檔口沒有開門。

今次親身經歷發現其實係好搵笨,首先魚生唔係特別新鮮,又唔係特別平,而且啲飯好鬼凍,真係中伏!🤦‍♀️反而係博多駅同一個價錢可能食得仲開心仲新鮮。如果大家有機會去唐戶市場,我會建議你哋去2樓的地道餐廳食仲舒服仲好味⋯⋯這是我第一次到來的經歷。

當天人流非常之擠擁,我仲不經意把帶子燒汁自己到咗落羽絨身上。

食完之後,老公大人就話不如開海帆樓行一行,海帆樓其實是一間酒店位於唐戶市場對面。這酒店正是李鴻章當年在這裏住宿。海帆樓隔離就正是日清講和紀念館。雖然這個紀念館極之細,但估唔到都好多人特別到來參觀。

有關馬關條約的資料,可以瀏覽以下網址。

https://zh.m.wikipedia.org/zh-tw/马关条约

博物館對面再向唐戶市場方向就會見到巴士站,由於唐戶市場距離下關駅差不多30分鐘所以都是搭巴士為妙。

地道九州別府溫泉一泊二食私人風侶

ホテル名

別府温泉 客室露天付 旅館 和み月

住所

〒874-0032大分県別府市上人本町11-18

宿泊施設電話番号

0977-66-7

特如其來的3600 jpy 樂天coupon ,結果用黎以24400 円訂了呢間酒店一享佢既客房私人偑侶的地道旅館。由別府駅乘26號巴士大概15分鐘就到達車站龜川XXKFC 站車費280円。樂天旅行網站內設有一個RaCoupon專頁,這裡提供最新的RaCoupon資訊,會員可以在這裡找到最新推出的折扣券,也可以按地區搜索折扣券。,

以這個價錢一泊兩食,都算超值,雖然不是華麗的酒店但房間也很整潔及舒適。

老闆及員工都唔係太識英文,以我唔鹹唔淡的日文尚算可以溝通到。

晚餐6:30開始,這個晚餐差不多好似永遠也吃不完⋯先來刺身併盤,再吃一大餐點,再來一個紙火煱,再來一份燒牛肉,以後再來一個焗薯蓉,跟著仲有天婦羅,最後是乳酪甜品。

真是很飽…

由於明知酒店距離市區很遠,而且很早會食晚飯,所以一早已經預備好蛋糕及其他小食,勢估唔到這個晚餐飽得驚人⋯真的多次一舉。

旅館不便之處是八時開始到達享用早餐,我一向對早餐都不大興趣,仲要八時起床🤬

旅館的大馬路對面有一間華麗cake shop “Keyaki欅"及一間類似Ikea 的日本家品店,大家不仿一往看看。其如時間當然必須用來享用客房的風侶。住客一般以日本人為主,trip advisor 有客人透露話可以安排接送,我到達當天叫別府駅案內所職員致電旅館來迎送,但接聽的職員説必須早一天預約,我相信就算打的也大慨2000円左右!

網站也說搭local jr 也可以到達…不過我當然忘記了。

博多駅附近兩間必食的放題

呢間位於博多駅 0101Kitte商場十樓名叫串家物語的餐廳CP 值甚高,佢食物嘅種類基本上唔少,雖則話食放題,由於價錢唔貴,食得唔多都唔會洩底。而且環境方面十分舒適,招呼亦唔錯我十分推介,小朋友和大人都一定鍾意。

價錢方便,午餐大人每位千五円,如果想加芝士醬加100円,如果想家無限暢飲每人再加200円,由於都係博多駅附近的商場亦同樣享有JR pass 優惠,今次的優惠是九五折。

本人覺得第一位最好味的食物是炸海老,第2位是炸雞,第三位是炸薯餅,第四位甜品區的草餅。

雖則限時90分鐘,慢慢嘆住食都夠晒時間。店內提供炸漿及炸粉給顧客造成吉烈效果,而我們則覺得無需要塗上。此外大家亦無須擔心餐廳會再用用過的油,因為每一次服務員都會細心清潔,而且換上新的油,冇花冇假,以下圖片為證。

第二間餐廳是樓上鋪,是博多駅附近筑䔝口大概步行12分鐘左右的燒肉放題店,佢有三個價錢由於我哋太想食和牛所以揀了最貴的價錢,嘢飲不包括在內。如果要無限暢飲非酒精飲品只需+490円。

肉質方便,和牛當然無得輸,此外用樽仔裝住的牛肋肉都非常美味,沙律方便,佢嘅炸蝦仁沙律真的極上美味。記住千祈唔好叫牛扒因為會浪費了quota。我們同時叫了很多生菜,用來包住肉食,非常美味。

雞方便,炸雞OK,燒雞唔算太出色,可以放棄。店內員工不多所以他們非常繁忙沒有耐性解釋怎樣用機order ,由於我們亦是第一次食所以比較心急叫咗好多唔應該叫的食物,浪費了啲quota。

有一樣野大家一定要留意,就係餐廳非常爆滿,必須定位。其實我哋係第一日到達博多時發現呢間餐廳,到想食那天見到一大班人上二樓,之後原班人馬樓梯就落返嚟,就知今次大鑊應該係無位。結果又同店員講問我們可唔可以等,結果佢叫我地八點半回來!

如果有機會再來博多,我都會再來幫襯。

u’d

九州長崎一期一會 Revisit Nagasaki

今次主要黎長崎的目的係參觀佢嘅數碼軍艦島博物館。

一早起床由博多搭特急列車用兩小時到達長崎,到達後先去案內外所問資料同索取數碼軍艦博物館的優惠券。優惠卷每人300円,兩人一共600 Yen都慳返唔少。

乘搭1號往石橋電車由長崎駅出發到達大埔天主堂站下車(中途要在築町轉5號電車)先給車長120jpy ,佢就會給你一張轉乘車劵,很方便, 簡單來說一個價錢可以讓你去到兩個地方。

我們先到四海樓食個午餐。其實食物只是一般,但畢竟四海樓係長崎出名嘅餐廳,座無虛席等了45分鐘才有位,我哋叫咗一個湯麵一個炒麵都是順道一試。

由於數碼軍艦館Gunkanjima Digital Museum 就在四海樓對面所以很配合我們的行程。用優惠券後,每人千五円可進入數碼軍艦館,雖然館內面積不大,但設備及內容都十分之吸引,我本人覺得係值回票價。

//gdm.nagasaki.jp

佢用數碼大螢幕展示軍艦島的歷史及背景十分有趣。最主要係佢仲可以用VR眼鏡讓你近距離參觀軍艦島,這是一項十分有趣的體驗。

參觀完博物館下一站就是中華街因為老公又要食這個角煮豚肉饅頭。之後再食多一個甜品🍮。今日的行程就此完結又要搭兩小時車程回到博多。

其實我都好想參觀佢位於出島電車站的博物館及海鮮市場,可惜今次真的沒有多餘時間了。

熊本三角天草睇海豚 Dolphin Watching @ Matsushima

一心想跟KK day一天團去高千穗,到發前幾天話🈵️咗,結果決定撘A train 由熊本去三角睇海豚。

首先要在以下網站訂定位,收到䧺認電郵即可,無需預先付款。當然你也可參加KK day 由熊本巴士出發的團或自駕到天草參加其他出海團。

http://web.archive.org/web/20131115151512/https://www.seacruise.jp/teiki/form/index.html

以下是我當天的行程

【Time table】

From Kumamoto station to Misumi station(A-train 10:3511:13)

↓ 5min by walk

From Misumi port to Matsushima(11:2411:41)  around ticket discount … \3,200(adult 1,600*2)

※you can pay that time.

↓ You can have lunch by restaurant. Ex, Lisola terrace Amakusa

You have to come to our office by 12:40.

Dolphin watching (13:0015:00)  ferry discount \7,600(adult 3,800*2)

※you have to come our office by walk 3 min.

From Matsushima to Misumi port(15:3015:47)

From Misumi station to Kumamoto station(local train 16:0016:52 or A-train 16:1917:01)

兩人價錢All price \10,800-(這個費用並不包括A列車因為我是用JRpass)

A train 是觀光列車,很多場客所以很快爆滿,而此列車只有指定席。車上有小賣部,而全程也我播放着爵士音樂。特別留意A train 並不是每天運行,大家必須留意。

三角是一個古色古香的車站,一到達就要趕船由三角去松島。

到達松島,有大概一小時可享用午餐!由於附近餐廳極少大部份人都是會選用這間西餐,我特別推介佢嘅白汁三文魚加魚子菠菜意粉,意粉煮得啱啱好,白汁不多不小。完美配搭⋯好懷念🤤 !而老公大人就選擇了漢堡扒佢話一般般。其實佢一世人揀嘅嘢都係一般般,除咗個老婆之外🤣🤣🤣🤣🤣

吃完午餐,就出海兩小時,碰碰我們的運氣睇下見唔見到海豚🐬,當天比較大雨,不過都好好彩遇到一群又一群的海豚。

因為我是用5天JR North Kyushu Pass 所以A train 是免費的,其他支出,兩人一共10800円大概756hkd ,本人認為非常值得一往。回程的行程也一樣,而我十分推介在三角下船後到經過的士產店買d魚餅因為又扺食又好吃。切勿錯過這件魚蛋!

熊本市之最Kumamoto Favourites

今個旅程會花兩晚係熊本市,而我選用的酒店則是在JR 駅的JR Kyushu Kumamoto ,佢既特點就是方便同平同清潔。

我一向都係JR 酒店既fans,我連會籍都開埋用嚟儲分,因為佢價錢合理雖然房間比較細,但勝在新同清潔,而這正是我所需。位置方便,簡直無得輸。

JR Kyushu Kumamoto 位於熊本駅東囗。如果早訂房,平日每晚也只是8500 円雙人細房!即$595 hkd。

而呢間酒店內竟然有一間超級好食而又好抵嘅串燒高級料理,一試難忘。

我哋六點九到達餐廳,店員話座無虛席要等位,叫我們先返酒店lobby等一等,佢會過嚟帶我地!結果等了差不多15分鐘就可以入座。

我地亂叫了好多嘢食,埋單九折後也只是3555円,點解有九折?唔係因為我係酒店住客而係因為我用JRpass!同樣嘅情況當然又再次出現,個店員又話唔知乜嘢優惠,結果我又好有耐性咁同佢出示我個pass同埋網上宣傳嘅單張,話係呀,係有九折架你問下你啲同事啦!結果當然係冇問題啦,白紙黑字又點會有問題呢!

店內其實有英文餐牌不過好多好味嘅食物都冇包括在內,所以結果都係用日文餐牌,d串燒的確唔錯!我哋食完一樣又一樣,係咁叫,結果連紅豆小丸子都叫埋作為總結,極之滿足的一個晚餐。