四國德島阿波舞

公老一向對睇表現都冇興趣,但每次帶佢睇,佢都好受落,所以今次再次膽粗粗安排了觀賞阿波舞在四國行程裏!每天有三場日場,一場夜場於八時,食完晚飯時間啱啱好。

阿波舞館位於德島駅附近所以非常方便。

https://awaodori-kaikan.jp/information/

此外我亦不得不張慳錢功勞歸於公老,因為佢竟然發現酒店有出售夜場優惠的阿波舞門票。

這天由於是周二,所以不致滿座,表現者眾多,有幾歲的小孩也有七十嵗以上的長者,750円(原價1000円)張門票其實係超值。票劵是即時購買,冇得預定,團體例外。

睇得出表現者不是 hea 跳,最後還有請觀眾一齊試跳的環節,結果由一位婆婆得到冠軍,一個台灣遊客得到亞軍!

日本四國德島鳴門漩渦

參觀漩渦其實係我哋今個旅程嘅主打,鳴門一共有兩間船公司提供觀賞漩渦的船。由鳴門駅坐巴士🚌

1)うずしお観潮船

地址:德島縣鳴門市鳴門公園龜浦觀光港

網址: https://www.uzusio.com/tw/

費用: WONDER鳴門號觀潮船:成人$120,小童$60; AQUA EDDY小型水中觀潮船:成人$160,小童$80

大船1800円(船程30分鐘),小船 Aqua Eddy 2500円要在網上預約(船程25分鐘)特點在於可以在船艙內在水中觀賞漩渦。

2)うずしお汽船

http://www.uzushio-kisen.com/

小船1550円再加250円可以以套票瀏覽渦之道(橋上透過地上透明玻璃觀賞)。如果坐呢一架船,我覺得坐左邊的位置較為有利,即上船的那邊!此船除團體外無需預約。

我哋落錯車去咗第一間船公司,發覺價錢偏貴所以步行去另一間船公司。

由於距離最激烈漩渦時間還有一點,所以我哋決定延遲上船!當天最近漩渦的時間是一點半,我哋選擇了12:30起航⋯雖然不是最近的時間但仍然非常震撼,當我們回到岸時見到下一班船有很多人,所以你們就要取捨究竟想係最多人嘅船睇最近最激烈嘅漩渦,還是早一班船有更佳嘅位置!

老公提出了一個非常特別的疑點,就是兩間漩渦公司並沒有在同一exact地方出現,究竟係唔是不是另一間船公司睇漩渦的地方在另一端?🤔答案真是無從稽考!

唯一可惜就是旅程真的太短!

船程結束後我哋步行大概15分鐘去了一間酒店享用鯛魚定食係漩渦公司的員工介紹!

食完之後喺酒店對面的巴士站搭巴士回鳴門駅。原來呢度啲的士好貴,我略略問過職員,佢話如果由呢度回鳴門駅大概要2600 Yen。

由於巴士時間疏落,提議進入餐廳前先看看對面巴士站的時間表。

其他資料

大鳴門橋遊步道渦 の道

地址:德島縣鳴門市鳴門町(鳴門公園內)

電話:+81 88 683 6262

網址: http://www.uzunomichi.jp/chinese/

費用:成人$34;小童$17

う づ乃家 (另一家鯛魚丼)

地址:德島縣鳴門市鳴門町鳴門公園千畳敷

電話:+81 88 687 0150

營業時間: 8am-6pm

高知土佐久禮市場及道之駅

晨早起床去高知駅的周日市場,條街比花園街仲要長,街尾位於高知城!行完後就出發搭新幹缐去土佐久禮。到土佐久禮有兩個目的,1)當然是土佐之禮市場 2)道之駅的海王浜燒及風工房甜品

由於巴土疏落,我地決定步行20 分鐘去道之駅用海王浜燒作午餐,回程再去土佐久礼市場。由於兩個地方都早收大概三至四點,只可自行取捨。

道之駅是一個集合了幾間餐廳及一些兒童設施的休閒區。只要順着海邊行就會行到。這地方很適合家庭日。周邊還有音樂,很relax。

海王浜燒不缺捧場客,我們大概等了二十分鐘才有位,到有位時,鮑魚已售罄了。如果吾想食浜燒,佢也有吾同款式的鰹魚定食!我地二人點了一份雜錦海鮮浜燒,一份熞魚刺身,同埋半打生蠔作浜焼。

Tips :千其吾好坐戶外,因為d炭灰周圍飛。

食完浜燒當然到了主打"風工房"的士多啤梨甜品,我們外賣了甜筒及蛋糕,真的很美味,連相都忘記了影。戶外的枱都是任坐的,加上輕鬆的音樂心情極之愉快。

https://www.nakatosa.com/shop/kazekoubou/

回程路經土佐久禮市場,也差不多收檔了。

高知麵包超人館Kochi Anpanman Museum

由大步危駅搭新幹線往土佐山田駅,撘麵包超人巴士25分鐘就會到達麵包超人館,由於巴士班次很疏所以一定要留意回程時間,買完飛後(3歲以下免費)你可以用100 Yen放低行李在locker內,這100円會在你攞回行李的時候退回。但這locker的位置非常隱蔽,看看這個圖你就會明白。

http://anpanman-museum.net

以下呢一幅畫係麵包超人嘅作者特為呢個博物館而畫。

本館不算太大但有很多影相位!個鐘會每搭正12麵包超人的鐘也會響起。而麵包超人也會係唔同時間出現與到訪者拍照。

館外有草地及有滑梯的遊樂場適合年紀非常少的小孩玩!肚餓的話,館外也有一個小型餐廳,但並不是主題餐廳,有點可惜。我本人覺得如果係麵包超人粉絲呢個博物館一定不可以錯過,而非粉絲以後有時間的話這博物館也值得探訪。麵包超人館附近也有另一景點是一個鐘乳石洞叫"龍河洞",有興趣也可以順道參觀。

2018日本四國六天非自駕遊行程

正當JTB 旅行社做推廣,凡於本社訂四國的酒店即送四國JR pass,而正當JCB 信用卡做推廣單一簽賬滿一千元,回贈二百元現金。天助我也,而JTB 可以用JCB😀😆😀付款,仲要多送一個波點環保袋,一把遮及兩條德島毛巾,我實在太感動了。

Day 1 ✈️高松空港 🚎高松Tokyu Rei Check in 🚶‍♂️食晚飯🚶‍♂️再去JR 駅換JR Pass

Day 2 高松 🚅大步危駅🚕大步危觀光船🚤🚕🚅士佐山田駅🚌麵包超人館🚌🚅 高知駅🚃西鉄酒店🚶‍♂️弘人市場

Day 3 🚶‍♂️高知周日市場 🚃高知駅 🚅土佐久禮駅🚶‍♂️18 分鐘到道之駅午餐及甜品🚶‍♂️土佐久禮市場🚅回高知

Day 4 高知 🚅鳴門駅🚌(⛴睇漩渦)🚌🚅德島駅 🚶‍♂️睇呀波舞🚶‍♂️入住德島Sunroute 酒店

Day 5 德島駅🚅高松 🚶‍♂️高松港 🚢小豆島 🚢回高松市

Day 6 🚶‍♂️高松港 🚢直島🚢回高松市 🚎高松空港✈️

本來最後一天諗住去學烏冬,但見到烏冬都有點怕,實在吃了太多所以放棄了這個行程。

我地覺得高知及德島的餐廳較好味反而高松比較商業化。

今次嘅行程我們決定放棄松山及道後溫泉希望下次有機會先至再去。

真心Tips :如果大家也選擇飛自駕遊的話,我會建議你做足功課,由於新幹線及巴士的班次也很疏落。此外我絕對建議唔好帶咁多行李,好似我哋咁用handcarry 去到邊都可以放進locker,慳好多時間。

香川縣宇多津駅的烏冬餐廳

由高松市搭新幹線到宇多津大概半個小時,一出站對面就是了。一般烏冬店大部份晚上也不營業,所以要找人氣烏冬店昨晚飯真的不易。除了宇多津外,坂出市及丸亀市同樣有很多人氣烏冬店。

想了解更多香川縣的食店可瀏覽以下網址

https://www.my-kagawa.jp/gourmet

其實原本我們想去案內所介紹的另外一間非常人氣烏冬店,但是由於落車時才發現佢星期三休息所以我們就揀了這一間。

我們點了兩款烏冬、一隻雞髀,同埋一個雜錦椰菜炸天婦羅,我特別推介呢個野菜天婦羅真係好好味。烏冬都非常好味,但由於我已經忘記了我是在這幾天內第幾次吃的烏冬,這份香川縣的名物實在令我背負了太多次的重擔。🙃

原本想去的一間就是以下。