保留懷舊氣氛加創新茶餐@海安

係香港要長年敵過租金真的吾確容易!而你話間舖係你擁有,但有忍得住吾賣吾租俾人的確係一份高尚的情操!

位於上環信德中心對面的海安咖啡室就是一個例子!很多遊客都慕名而來為了打卡!佢個粒粒西多士更是邪惡之冠!

蔥花滑蛋牛肉厚多士上枱時,職員仲詢問要唔要黑椒?然後幫你好似西餐般寧吓個樽加啲黑椒上面,咁嘅服務邊間茶餐廳可以做到?

Advertisements

極度中伏@尖沙咀風雲丸

今晚因為要睇演唱會所以被迫喺尖東食飯,見到有間拉麵舖很多人排隊,決定一試,就此中伏🤮🤢。

我其實唔可以話啲嘢難食,但真係唔好食囉!

雖然賣相尚可,只可惜味道太普通極普通!但係價錢一啲都唔普通!

銅鑼灣Superdon

係 Yahoo 用 25% 折扣後用 $300 買了 $400 Voucher 享用剌身及煎豪 SuperDon 。啲刺身真係好新鮮而啲煎豪亦都剪得好香好好味。出乎意料就係竟然用Voucher 都可以儲會員積分!

海膽全用北海道馬糞海膽!刺身也是築地運送過來!店舖還不定時更換餐牌推出唔同的丼飯。

*Yahoo 優惠已結束但有其他12月優惠,例如啤酒半價或自選丼飯八折等!

此外用 Klook 也可以預先訂定當日午市或晚市九折!

唏朋友!我送你HK$ 25等你初次體驗KLOOK活動,按我這連結登記吧:(不適用於紅日)

https://www.klook.com/zh-HK/invite/X1171?c=HKD

一個美味菠蘿包🥧@銅鑼灣

如果你想搵一個熱辣辣,而又可以坐低嘆下,而又好味嘅菠蘿包,看來好易其實一點也不容易!

一向週末晏起床嘅我為咗要洗牙迫不得已晨早起身,遠赴銅鑼灣,洗完牙後竟然仲可以係一個週末度食早餐,簡直係神跡!

竟然俾我發現一間十分不起眼的茶餐廳,裏面有一個好好味嘅菠蘿包,除咗菠蘿包之外佢嘅早餐都唔錯。我哋試過餐肉雞絲出前一丁早餐加一杯奶茶再加一個菠蘿包非常之好味,而且可以飽到午餐也不用食!底啊!

$7 外賣而堂食只是$8的有水準菠蘿包簡直係一大發現。佢哋仲有紅豆菠蘿包不過不太喜歡甜味所以沒有一試!

海街丼@鰂魚涌 乙評

在鰂魚涌覓食,發現這間日本丼飯店叫海街丼,openRice內的食評不錯,全部都是正評,所以就決定一試。這條街很多間餐廳都是以北海道為主打,看來想打造成一條北海道街。

店舖內外的裝修及衛生都唔錯,食物方面以丼飯為主。有些女孩子唔多食飯,喺呢間店舖就冇可能叫到啱食嘅嘢!

午餐可以的選擇不多,包括魚生丼及炸豬扒或炸雞扒丼,餐牌只得兩頁。噱頭方面就是可以$5加汽水,仲要係罐裝再比一杯冰,抵讚。另外碗內是刻有店舖的名字十分有heart。

味道方面,魚生尚算新鮮,只可惜飯太多,魚生真的太少了,簡單來說碗內的魚生食,不足以讓你完成所有飯!同行的大皇都有同樣的評價!

店內唯一的小食就是凍辣番茄,That’s it !

何超台灣牛肉麵:玖五牛肉麵

睇完何超蓮訪問,好想試吓佢口中嘅冇味精台灣牛肉麵,結果今個假期就特登去了灣仔一試。

店鋪位置在銅鑼灣同灣仔中間,由於店子的位置非旺區,所以的確會影響人流,而且價錢亦不算平,$80至$90一碗麵,不是人人可以接受!

當日唔使排隊,大王次試咗蕃茄湯底而我就是紅燒味!飲品方面大家也點了冬瓜珍珠奶茶。

味道總括係OK但沒有什麼surprise ,店員也十分有禮。既然冇味精而係何超蓮又推動環保用鋼飲筒,大家不妨支持下。