澳門交通資料

Advertisements

澳門禮記雪糕

如果要我話禮記雪糕好味,我又真心講吾出!不過那份舊式時光,的確令人回味!

$36 半磅,又真係貴左d。

講到好味,非佢既雪糕,而係佢毫不吝嗇的紅豆雪條,才是經典。

澳門軒記麵食店

緬甸食品是其中一種澳門人至愛,所以遍布澳門不乏緬甸麵食店,三盞燈雅香出名遊客多而且價錢比較昂貴,至於位於荷蘭園盧廉若公園斜對面的軒記,味道的確唔錯而且價錢非常實惠!

小編本人比較喜歡雞絲撈麵,而我爸爸則喜歡熱辣辣的緬甸魚湯,大家又可以試吓佢嘅咖喱雞撈麵都唔錯,小食方面有咖喱角、炸魚旦丶炸大腸等!

無奈香港的小店就是找不到這種情懷及簡單的地道美味!

Ascott Hotel Macau澳門

呢排喜歡住超大嘅one bedroom apartment 試過返尋味,但要去香港澳門有咁大嘅空間,機會當然好難!估唔到澳門竟然有一間非賭場營業嘅Apartment Hotel 啱晒我哋!Ascott Macau 位於MGM 附近,都算方便!

http://www.the-ascott.com/en/china/macau/ascott-macau/index.html

我一共住過呢間酒店兩次,都覺得非常舒適!第二次我仲試過佢哋嘅室內泳池,由於沒有太多遊客,感覺好像包場般!

至於景觀方便,大部份房間都是樓景所以建議大家可以關上窗簾!澳門美食實在太多,肚得一個,好難一一試食,既然有更大嘅空間當然食飽晚餐之後,可以再打包消夜回房間慢慢享用啦!

Wynn Palace Macao 永利宮

今次試過永利宮飲茶,味道麻麻之如,價銭就🙀所以連食物都吾介紹,主要提醒大家免得中伏。八個大人,食吾飽既普通野又吾好味,埋單4千多🙀,令人嚇驚。

味道方面,同行人士飲了一個不知名嘅魚頭湯價值$280,佢話味道似豉油加水🙀,仲要冇魚頭係碗內。


至於西餐又點呢?姨姨試過話值得推薦,午餐價錢$268 合理不在講,能夠同時欣賞靚景,多好!由於成日爆滿,記得預早book 個窗口位呀!

澳門緬甸麵食 – 雅香

澳門尤其在三燈區特別多緬甸的麵食餐廳,今次介紹呢間歴史悠久又地道。

雅香粉麵咖啡

網址: https://s.openrice.com/QrbS1xLq000

地址: 新橋(三盞燈/白鴿巢) 飛能便度街27號A

電話: 2855 2711


特別推介魚湯,咖哩雞麵,及大腸鳮絲撈麵。如果吾想咁油膩可以考慮豬耳撈米粉。
*如果order魚湯粉就會送一個綠豆蓉酥餅(圖1),我會提意叫伙記河粉另上,免得搞到個湯稀晒。

*餐廳樓上位置比較闊落

老細多年來都係舖頭坐鎮,難怪質素保持。


雅香係同一條街一共有兩個鋪位一個係街舖,另一個係內街入便,而家通常只開內街入便嗰間舖。

Macau 澳門必食-園林小食店 

呢一間由細食到大既小館,我誠心推介比喜歡地道食品嘅朋友,上一次推介比我嘅好友zip zip ,佢食完不知幾開心!

園林小食店

網址: https://s.openrice.com/QrbS125u000

地址: 新橋三盞燈飛能便度街25號B

電話: 2852 6900

呢間小食位於三盞燈,我會特別推介佢既咖喱薯仔雞翼豬扒粉絲因為啲咖喱汁好好味雞翼又柔軟又入味,第二位係生牛肉魷魚河粉同樣美味,之後當然要食返個凍綠豆沙作為終結,人生何求呢!

我好慶幸年初四佢竟然有開舖,發達囉!