Bangkok Snack 曼谷最強小食

Extracted from 飲食男女

Advertisements

泰國曼谷fusion 泰菜 Kalpapruek

我本人其實唔係好鍾意fusion,不過呢一間泰國餐廳位於Phrom Phong 都幾啱我口味,唔會太出位地fushion,幫襯的亦是本地人所以我亦都想推介俾大家一試。www.kalpapruekrestaurant.com


其實呢一間餐廳係酒店介紹俾我哋,佢就喺酒店隔離非常方便但隱蔽,如果唔係酒店介紹我想我哋都唔識捐窿捐la搵到呢度!

尤於價錢非常合理又喺酒店隔離我哋結果連續食咗兩晚,特別推介佢嘅單骨雞翼,特別唔推介佢嘅沙嗲!甜品除咗芒果糯米飯之外每日精選都係一個唔錯嘅選擇。

曼谷參觀大皇宮,再食泰國米粉

參觀大皇宮最適合嘅日子就係落雨嘅日子或朝早下雨中午參觀就最適合不過!咁就可以將熱嘅程度大大減低!

而我哋就咁好彩選擇到呢一日,剛剛下完雨我哋就出發去參觀!皇宮距離市區都非常遠,你可以選擇先撘BTS 到Saphan Taksin 再轉船就到!公共船好多人好擠迫雖然只係25匹,如果唔想迫可以考慮乘撘以下遊客觀光船,價錢也不是太貴,吾洗咁迫!


下船周圍有好多生果鋪你可以先買個椰青潤下喉再慢慢行!


參觀皇宮的費用一啲都吾平,每人1000 baht 。

由於泰王之前過身所以有好多泰國人都着黑色衫到來參拜。


落船附近仲有一檔泰式米粉由一對夫婦打理,大家不妨一試!食物味道不錯而且師傅亦細心聽說客人的需要例如走青走米粉等!

泰國Bangkok抵食優雅法國餐 – 必去

喺機場無意中睇到一本介紹泰國嘅書,介紹位於Phrom phong 呢間餐廳就炒起左個名,去到泰國之後再上網了解一下!發覺佢嘅評級非常好,而且一啲都唔貴!午餐只係390baht 就有三道菜加咖啡,晚餐都只不過係990 baht 。星期五,六仲有live Band。

我哋預先上網睇定餐牌決定食乜!最後竟然有機雞腿賣晒轉了牛面肉,老公開心到發左顛,事緣係佢唔想加錢食龍蝦,對魚又唔大興趣,海鮮更加唔使講,話想揀漢堡包當然俾我否決啦,結果揀嚟揀去唯有揀有機雞腿…

佢上菜嘅速度唔快唔慢恰到好處環境更加係一流,我星期一去食,沒有太多人,唔怕迫,感覺好寫意。用390baht 相等於一百蚊港元去換一份寫意,真係好值!

可以預先上網睇定餐牌同埋可以叫酒店致電餐廳為你預訂位!

http://www.levendomerestaurant.com/home/set-lunch-menu/ 

2017 🏝Bangkok New Hotel 曼谷新酒店,有邊間好介紹?

今年四月才完全裝修完畢正式開張嘅 137 pillars and suite 係個唔錯嘅選擇! 佢位於Phrom Phong ,距離B T S大概10分鐘路程。間酒店亦有免費穿梭來往B T S及酒店嘅免費車,雖然班次密,不過都好有幫助。 如果你剛剛由機場到達B T S phrom phong,你也可致電酒店叫車來接你,無需另外收費!


呢間酒店嘅好處係:房間好大好舒服而且所有職員亦都好有禮貌,好有家的感覺!

酒店價錢唔貴$950一晚包早餐,連續住三晚仲可以upgrade去one bedroom suite!如果一家人住仲有two bedroom suite 。

由於酒店房間不多,即係代表住客不多,所以早餐唔算太豐富,都係簡單咖啡,麵包,粥同埋煎蛋等等,不過亦有好處,就係泳池好似私人泳池一樣🏊🏻🏊🏻‍♀️

房內仲有洗衣機及乾衣機,遊完水可以洗乾淨聽日再遊。


曼谷的士司機太狼死,遊客市民現在有救🏥

如果大家有去過曼谷,都知的士司機又兜路又亂開價,令人不知點算好,同佢嘈,又破壞旅程,吾同佢嘈,明被人呃,又自己一肚氣。

大家可能心諗我講既救星一定係Uber ,咁你就大錯特錯,uber 又要登記信用卡,又有對換率,實在不是頭號之選!

今曰既推介其實係GRAB,呢個apps 相當好用,泰國人都用,而且是用現金找數,方便到極。只要用prepaid sim 登記就會收到密碼,乜個人資料都無須付!

用法同Uber 大同小易,你可以grab taxi 也可以grab car,仲可以grab bike 電單車 !Apps 的預算價錢已包括grab taxi 的booking fee 20 baht ,相當合理!Apps 一開預設係grab car,你自己輸入想去嘅地點再按grab taxi 及book 就可以了。apps 之後會出現司機的相片及車牌。


我親身試過grab taxi 也試過grab car,一般程況,我都會選擇grab taxi ,一來平好多,二來的士上有grab貼紙好易認!

真實過案,酒店直接叫的士由phrom phong 區酒店去曼谷機場,的士司機到達話要收500 baht ,我話冇可能grab taxi 預計282 baht ,結果酒店職員同佢講,佢話改收300 baht ,另外自付highway 。我當然選擇叫佢走,不如自己grab taxi ,當日又吾塞車,又無需用highway ,包括booking fee ,合供250 baht ,即係話第一個司機濫收一培車資!

GRAB 既問題係不是所有司機都識英文,如果佢打來確認位置,你可交被身邊既泰國人同佢溝通!

左呢個app你就可以Happy 遊泰國!