2018 名古屋-三重縣第五天

第四晩同酒店商議後,佢竟然肯俾我地由10點改到11點才check out ,咁有人情味!

酒店房間比較舊式,十分spacious 。酒店名叫AU 松阪,由松阪駅北口步行大概五分鐘直達。

早上有免費set 早餐,不過餐廳很細小,昨晚是星期天,今天是日本假期,酒店費為8,800 jpy !酒店職員不太懂英語不過很有禮貌。

在附近食完平民迴轉壽司後,回酒店大堂休息吓,羅番d行李,就出發回名古屋行街。

到達名古屋名秩,先放好行李在locker 內,再逛逛Loft 及無印,之後再出發Encore 星乃咖啡!再行藥房,再去Max Value 買餸!

由名古屋駅去機場要撘名鉄,有兩種價錢 :1200 円特急,全烈車是指定席,全程28 分鐘、另一種870 円特急,無得訂位,全程35分鐘!

晚上到機場四樓Maruya嘆個鰻魚飯!ok la ,大概3000 円,味道不算超水準。事日HK Express 受台風影響delay ,每人派了1,000 円 meal coupon!

Advertisements

2018 名古屋-三重縣第四天

第四天嘅行程其實呢個旅行嘅主打,就是去志摩西班牙村玩過痛快。呢個西班牙村入場費都要5300 jpy ,好彩又係張Mawaryanse 近秩pass 包埋。如果想浸溫泉都冇問題,隔離個溫泉樂園都是Pass 包理。有大有少,大家可以分道揚鑣!

首先我地由伊勢市搭近秩特急出發去鵜方,再轉巴士即達。所有交通費Mawaryanse 近秩pass 包曬。

要參考巴士時間可以click 以下網址:

http://www.parque-net.com/sp/access/train.html

呢個樂園又啱大人又啱細路,又驚險機動遊戲又有小孩啱玩嘅遊戲,仲有好多好多嘅表演,可以玩到黃昏。我哋大概由早上10點玩到下午四點都未玩完。如果你有細路仲可以考慮住喺西班牙村。

Parade大家睇得多,但係想參演出,唔係個個樂園都有機會,而呢一個樂園你只要加付一些費用,就可以讓你的子女感受這個與眾不同的體驗。

我哋參與當日是星期天,但園內也不擁湧,所有遊戲大部份也不需要排隊。

此外,我們還加了500円觀賞西班牙舞,500円係物超所值,不單止有舞睇仲,有免費嘢飲,真係難以置信!

至於食物方面,園內也有好多選擇,價錢亦非常合理,所以無須擔心!此外如果想帶嘢食或嘢飲到園內,都是可以的。

晚上回到松阪享用松阪牛,大家都知日本三大牛,就是神戶牛,近江牛及松阪牛,所以我們又怎能錯過呢!

綠色:洒店

紅色:松阪駅

黃色 :Aeon Max Value 超級市場

2018 名古屋-三重縣第三天

早上十時許,由酒店免費車迎送我們到鳥羽駅,我們由這𥚃出發到賢島繼續我地的行程。今天會參觀志摩水族館及到伊勢的托福横丁逛逛。

今晚入住的是Comfort Ise ,打算可以在附近食晚餐同行吓。如果要去超市買水果,可以考慮吓行去大概十分鐘的超市Eddy,呢個超市較為地道價錢可以接受。

賢島的志摩水族館位於賢島駅大概五分鐘的路程,但比起鳥羽水族館,簡直是蚊比同牛比,所以我建議大家如果冇時間可以放棄這個行程,但如果有小孩同行的話不妨一往因為M pass 已包入場費,館內唯一有少少卓頭就是海女餵魚的表演,但過程不多於八分鐘。

由伊勢市駅搭10號巴士在"神宮會館前"站下車即到,回程在對面巴士站所有巴士也可以回到伊勢市駅!

托福横丁是一條大食街太多吸引嘅食物絕對可以食窮你,包括有松阪和牛串,原隻生果凍飲,松板牛壽司,原隻燒鮑魚等等,而手信方便當然不能略過赤福總店。

赤福到底是什麼?其實我在不久以前也解釋過,現在再解釋多一次,日本人喜歡喝吃紅豆沙餡的日式糯米糍,而赤福就是將紅豆沙變成皮,麵粉變成餡。赤福乃係伊勢名物,當之無愧。

鉅手信店賣的種類越來越多,多到好多唔係可以自己製作的東西也在這裏,而赤福堅持只係買一樣自家製手信,都搞到人山人海。

晚上用餐於伊勢市駅附近的桂餐廳享用和食!味道一般。雖然是周未,街道也很靜!

2018 名古屋-三重縣第二晩住宿:石鏡第一酒店

又係用樂天訂房優惠,一減再減,石鏡第一,一泊兩食成為 jpy 26300 包接送!check in 時向職員提意俾邊房可享私人偑侶,佢竟然欣然同意。要留意這間酒店的職員不太懂英文,用我唔鹹唔淡的日文,再加上佢唔鹹唔淡的英文,剛剛溝通到!

酒店車在約下午三時在鳥羽駅一番口等候我們,這個停車位不難找,有很多酒店車在這裏等他們的客人!

晨早7:10 可以有餵鷹活動, 酒店職員準備好膠手套及魚生給旅客定向天空餵鷹,由於住客技巧一般所以不是每次也百發百中。餵完鷹就要餵自己,食個醒神早餐先,主攻松板牛!

其實早上五時許還有一個品米酒,觀賞日出的活動,但真是太早了!

2018 名古屋-三重縣第二天

一早check out 由名古屋撘近鉄特急去鳥羽。

8:10 – 9:48 鳥羽 (全日交通及觀光費用mawaryanse Pass 已包)

一出駅,找400 jpy locker 擺放行理,再turbo 腳去觀光船🚢,第一架船好有祖國feel ,不過我地志不在此,主要係想去Dolphin Island 睇海豚,唔知呢隻海豚係咪姓林?原來係姓劉,個表現真係劉劉地。島上其實仲有好多活動啱細路例如纜車,飼養海豚等等⋯ 大概可以逗留1小時。

鳥羽水族館當然不容錯過,人魚之海Mermaid Sea 是本館既台主,是全日本唯一持有儒艮的水族館。總括來講這個水族館面積也十分大,種類也十分多,好值得一去,而在且海獅表演非常出色。

至於珍珠到島,本會我們沒有打算參觀,由於Mawaryanse Pass 包括入場費,那麼我們就一看看海女表現吧。如果大家沒有時間,無需要參觀。

行程檢討:總括今日行程應該主打水族館表演,其他觀光點可以有時間先決定去吾去,由於水族館表演大多在早上,所以應該先去水族館再去其他景點!

Pass 全包宴的確很方便。

鳥羽駅只有一間family mart, 但附近並沒有超市,建議大家先喺其他主要駅買定零食,帶到溫泉酒店享用。

2018 名古屋-三重縣第一天

到達機場,第一件事係要去JTB counter 買由機場去名古屋駅的名秩車票870 jpy 再加全程最索要的Mawaryanse 近秩pass ,呢張pass 包我們之後四天三重縣行程的近秩,巴士,船費,而最重要係所有樂園,觀光船入場門票也包,成為9800 jpy 低到冇野講!咁JR 呢?三重縣交通以近秩為主,大部分主要駅JR 也沒有覆蓋。

必買 Mawaryanse Pass

http://www.kintetsu.co.jp/senden/Railway/Ticket/mawaryanse/

每套Mawaryanse 近秩pass 已包:

A) 名古屋來回特急Pass

B) 四張三重縣住來特急換領券⋯⋯例如由伊勢市去賢島,所有特急要在近鉄窗口換領坐位,因為列車只共指定席。如果四張唔夠用,唔使驚,可以再追加多四張特急卷,下面綠色顯示的部份就是追加卷。

C) 所有三重縣巴士費用

D) 二十個觀光點入場費

E) 指定酒店免費送行李費

F) 特定食店折扣或優惠

簡單啲來講,你只要用呢一個pass,去志摩西班牙村再加名古屋來回,再加三重縣特急已經值回票價。慳成萬円一啲都吾出奇,你會發現呢一個pass很少國內和香港人使用,因為呢一個pass只有日文,係冇其他語言資料!

18:30 多,到達酒店check in Via Inn Nagoya

一晚房,減去$250 Agoda Coupon ,成為hd490 再送簡單早餐,酒店位於名古屋駅大既八分鐘,ok 清潔,ok 要求。至於面積不嬲都不是我考慮範圍之一因為我最怕間房太大,好冇安全感!

由於明天一早七時起程,無必要花太多錢係酒店到。

之後最緊要醫肚,今晚真係冇心水,求其食d串燒再戰我的買飛佛,星乃咖啡店!咖啡店正位於酒店對面,點都走吾甩!

職員話要等二十分鐘才可焗出來,莫講話等20分鐘就算等一個鐘到值!呢款甜品係好食到吾可以share ! So far 呢間星乃最有heart ,比京都分店更好食!感覺很滿足,很幸福!不便之處是九時關門。

初哥遊日本慳錢底玩攻略

近日好多友人終於決定忘記福射勇闖日本,就開始詢問遊日本🎎攻略,我就決定寫下來為大家指點迷津

1)慳錢攻略最忌只得plan a沒有plan b

先定下兩三個想去的地方,容易更改,例如你喜愛大板及東京,邊道有平機票,就book 那兒。有d朋友一咪要只定嗰個地方,一定要嗰個日子,咁只可對你說"早抖啦!"

2)避開假期

假期人又迫,機票又貴,房又貴,點平呀老友?

農歷新年後一般來説是全年的最淡季,是慳錢友的最佳旅遊時機!

3)用不同方法check 酒店價

旅行社一般定房都比較貴,所以不用多費神。

先看看tripadvisor 邊間酒店好評,邊間酒店網站提供最優惠價再相比此酒店的官方網,那已經幾足夠!日本大部份酒店也接受到達才付款,book 房時多加留意取消細節。

此外有些酒店網站有時也有coupon 九折code,多加留意!

有啲酒店網站如hotels.com提供最抵架保證,只要你係入住酒店之前係佢個網站或其他網站發現更低嘅價格,佢哋都會補返差價俾你。我親身試過多次,冇花冇假。

此外我亦親身試過,同一間酒店網站同一時間,用手機app比用電腦book貴d。

4)Book機票✈️時一定要下定決心唔可以三心兩意

諗多一秒優惠都走寶,你唔click,人哋就click左!我就係咁冇咗張一蚊機票,提起都傷心😭。依家市場好多廉行任你選擇,去程可以買少啲行李公斤回程才買多啲,例如去程一個人買30 kg兩份用,回程每人買20 kg!我吾敢講所有廉行都ok,我自己撘過Hk express及jetstar,真係吾錯!

日本咁大,你大可以一路玩,吾走回頭路,例如大板入,東京走。回程由日本綱站book,又時更平。

記得留意 jetso apps 及 http://www.meethk.com 的機票酒店減價資訊!

5)  善用優惠卷即coupon

日本係一個好多用優惠券嘅地方,地鐵周圍及酒店lobby你都會發現優惠券嘅書,例如Pepper, 見到就唔好錯過!你會發現好多意想不到嘅優惠例如免費贈飲,例如全單九折,例如送小吃一客!成日袋錢入你袋。

另外買pass都有好多優惠,例如巴士pass,JR pass沿途都會送上飲食優惠,觀光優惠,最好預先留意佢哋嘅網站!

連Duty Free 都有5 至10% coupon ,咁連買酒,買手信都有得平la。本人親試過大板機場duty free 九折coupon,福岡機場九五折相片coupon 以及名古屋九五折coupon(昇龍道pass 送的)。

係日本見到"割引"兩字,即代表減價。

6)留意退稅

依家日本好多商店都有退稅服務連7-11、藥房等都有。消耗品買滿5000 Yen就有得退稅,非消耗品買滿一萬yen就有得退。退稅時要出示護照及單據。

7)很多大型百貨公司為外國人提供九五折優惠

只要先到服務台出示護照,職員就會給你一張九五折卡。此外當然仲有得退稅啦!所以計埋即係減5%再減8%退稅,正喔!

有d"無印良品"branch 也為外國人提供九五折,如福岡天神店。

8)藥房貨品價格💴可以好大分別

要多行幾間,有啲貨品做推廣可能平成兩丶三成所以就算有得退稅都吾係最平。一定要係做緊推廣嘅藥房買野而每間藥房推廣的貨品都唔一樣𠺢!

9)於groupon買定sim card

Groupon 無限用7天的日本sim 也只是$108,因為係日本好需要用google 找地方,一張sim 卡吾走得雞。Groupon 而家好輕友discount code ,記得入code 再平d呀!

10)交通pass

日本交通費最貴,如先按排行程,看看是否需要買定巴士,電車或JR pass🚆及機場住市區特惠票。自駕遊都有toll pass,例如外國人限定的高速公路通行証"Kyushu 九洲Expressway Pass"http://global.w-nexco.co.jp/kep2015/。2500円兩天,10500円十天。

“Nagoya Expressway Pass” http://www.mypacetravel.com/archives/11610#more-11610

很多旺區都有平車飛,平JRpass 賣大家可以細心留意,例如Tokai ,可以為旅程慳唔少!

更多關於金劵及買平飛的文章(包括交通及樂園門票)https://solomo.xinmedia.com/japan/124419-letsgojp

https://matcha-jp.com/tw/4469


慳咗咁多💰錢,當然要用黎book下個trip la!