松山市"大街道"酒店

之前都講過松山駅沒有太多商店及餐廳,所以建議住在大街道那邊,對面就是松山城!

呢道有三間可觀的商務酒店:

1)Dormy Inn

呢間集團式酒店,出名溫泉及免費宵夜拉麵,相信我唔需要多介紹!位置直頭在大街道內,地面入口設有足浴,非顧客也可享用!

2) Daiwa Roynet Hotel

是老牌出名集團式酒店,位置在於大街道斜對面

3) Candeo Hotel

https://www.candeohotels.com/matsuyama/

呢間集團式酒店近幾年越開越多!呢間最平的雙人房為到9300 Yen 一晚,酒店設計十分時尚,而且水力十分夠,大堂亦十分華麗,位置在大街道旁更是無敵!同很多新酒店一樣櫃檯不在地面層,而是在高層的13樓!

酒店房可以在官網訂無需付費,非常安心!

會員方面沒有太多着數,10,000円才有100分,1000分才可有少少着數!

Advertisements

四國松山城

松山城其實是又一城個friend,因為佢係又一個城堡,日本嘅城堡實在多到不得了!

呢個城來頭不小,而且面積非常之大,首先要到達城堡要坐纜車,你可以選擇坐一卡車或者一張凳都得!纜車來回都只不過是510円,用JR Pass 仲有優惠券可以減100円。纜車到達後還要慢慢行上城堡的入口,由於斜路不算太斜,一般人應該都可以容易駕馭,上到最高處的城堡入口還,可以嘆下咖啡或甘汁!進入城堡是要額外費用的,JR Pass 同樣有折扣!

這個城,你可容易花上半個小時至一個小時的時間,慢慢欣賞!

據說松山城的門鎖是根據女人的乳房建造的,當我同我家大王細説,佢以為我講笑,佢就話乳房size係唔係根據當時嘅女人既size呀?(大家看看圖片)

四國松山駅:必吃地道魚餅

由高松撘 JR 到松山,大概兩個半小時,由松山駅坐電車撘5️⃣號電車到大街道站大概15分鐘,大概十分鐘一班車, JR Pass 已包電車的費用但不包少爺列車!沒有JR Pass 每程 160 円!

到達松山駅那天已經很想購買這個魚餅,結果在離開時才有時間,我簡了中間那款,170円係超值,好想再食,店舖隔離還有堂食,仲有烏冬,大家不仿一試!

駅內有七仔及咖啡店,橙色角落頭那本就是人氣松山市食市大全,買了這本優惠書就可以優惠去唔同餐廳食嘢!這種優惠書現在在國內很流行,書中的優惠不是 Hea 優惠是堅優惠。除了七仔,在各大書店也有售,例如大街道入口的書店!

松山駅附近沒有太多店舖,我建議住在大街道那邊方便得多!下一個post 會介紹大街道的商務酒店!

真正品嚐正宗鯛魚焗飯"秋嘉"@松山市

黎到四國,歎鯛魚是常識吧!我哋上次去四國德島已經食過一次鯛魚刺身丼,今次要用煲仔飯風味品嚐!我地選了松山城纜車商店街內的鯛魚店!由於被佢門口透明玻璃內廚師煮緊熱騰騰的煲仔飯吸引住!

我地點了一份天然真鯛 set 再加一份小魚餅,及一份小魚皮魚肉刺身!魚餅真的好鮮味,亦真的好細份⋯

附馬不太喜歡煲仔飯的魚味,咁我唯有食晒佢囉!啲魚油入晒落飯,最後一碗飯再加入魚湯簡直令人回味無窮!魚精一定唔可以錯過!

埋單乘成2800 円,價錢非常公道。

我哋沒有點了太多因為還有Part II,燒鳥串燒!

街尾的燒鳥店(有中,英餐牌)

日本松山市大街道平民燒肉

在大街道,我們亂打亂撞入了一間七輪炭燒,店員招呼非常有善!

我地點了

1)生牛肉 730 円 🤩🤩🤩🤩🤩 味道調教得唔錯

2)厚切牛扒 850 円 🤩🤩

3)厚切牛舌 980 円 🤩🤩🤩🤩🤩必點(看相片)呢個牛舌真係令人食指和拇指都大動,好想 Encore

4)鳮肉 480 円 🤩🤩🤩

5)白飯中size 250 円 🤩🤩🤩

我地點既嘢食唔多,留肚for part II