Beauty Care – Apivita

Apivita 是一個希臘護膚產品牌子,喺香港都有專門店!但我當然唔會係專門店購買佢嘅產品因為世界上有一種鋪頭叫水貨店!

呢一個品牌不知不覺我已經用了超過10年,覺得佢最好用嘅就係青瓜面膜,主要功效係保濕!呢一種面膜係cream狀態,使用方法有兩種! 1) 張它厚厚搽上面上過了大概半小時可以用溫水洗去cream

2)另一種方法最適合懶人亦都係我常用嘅方法,就係將佢薄薄地搽上面上然後按摩,等佢自然滲入當cream咁用! 尤其是去旅行這個方法非常之有效保濕!一般人用後塊面會有少少刺刺地的感覺,這是正常的,因為這是cream滲入你的肌膚的狀態⋯⋯

Mask 方面我會推介青瓜味及橙味,青瓜味有保濕的作用,而橙味有美白的作用。(每盒有12包)

其他推介包括防脫髪洗頭水(有分男女),玫瑰黑椒soap ,及橄欖磨砂膏!

Advertisements

遊日酒店新品牌 Japan Hotel New Brands

識我嘅朋友都知我最鍾意簡新酒店住,面績細對於我來講唔係問題,最緊要乾淨、最緊要新!第三樣要求就是近車站!第四當然係價錢合理!

最近發現同埋亦都親身視察過兩間唔同嘅可靠日本酒店新品牌!

1) Via Inn

呢間品牌嘅風格比較簡約同埋摩登我先後住過 Via Inn Nagoya 同 Via Inn Shin Osaka 正門!對兩間嘅感覺都唔錯,尤其係新大阪佢個lobby非常闊落可以坐低傾吓計飲吓嘢都得!

價錢方便非常合理,可以講話平到笑!房間方面好整齊,好新淨!I Like

由於已經測試過兩次我對呢間品牌都相當有信心,所以我就參加左佢哋嘅免費會員下次book房又可以儲分又可以Late Checkout!

但係如果你喜歡非常寬堂嘅空間這間酒店就不太適合你!

https://www.viainn.com/smart/

2) Comfort Choice Hotel 🏨

至於Comfort Hotel我只係住過一次就係喺伊勢,呢間酒店都唔錯環境好舒適而且十分鄰近車站,價銭方面亦都相當合理,佢不是都有唔同嘅租房優惠大概300至500円不等!

依家有咗呢兩大品牌,我會建議大家唔好住 東橫Inn 或Apa 這些老品牌,因為價錢方面大家都相若,但我所提及嘅兩間裝修較新穎,而且非常清潔!

https://www.choice-hotels.jp/

3)最後不得不提一個我自愛,雖然不是新的品牌但品質出眾,它就是 JR Group Hotel

如果你有住過九洲福岡嘅 JR Blossom 對呢個品牌一定唔陌生! 另外位於東京新宿的JR Kyushu Tokyo 亦非常出名!

會員不單有會員房價而且同樣可以Late Checkout

http://www.jrhotelgroup.com/ct/index.html

一個美味菠蘿包🥧@銅鑼灣

如果你想搵一個熱辣辣,而又可以坐低嘆下,而又好味嘅菠蘿包,看來好易其實一點也不容易!

一向週末晏起床嘅我為咗要洗牙迫不得已晨早起身,遠赴銅鑼灣,洗完牙後竟然仲可以係一個週末度食早餐,簡直係神跡!

竟然俾我發現一間十分不起眼的茶餐廳,裏面有一個好好味嘅菠蘿包,除咗菠蘿包之外佢嘅早餐都唔錯。我哋試過餐肉雞絲出前一丁早餐加一杯奶茶再加一個菠蘿包非常之好味,而且可以飽到午餐也不用食!底啊!

$7 外賣而堂食只是$8的有水準菠蘿包簡直係一大發現。佢哋仲有紅豆菠蘿包不過不太喜歡甜味所以沒有一試!

焗果皮雪梨乾🍐杞子無花果水

燜燒煱呢一個概念已經輕左好耐,而 outdate 嘅我第一次嘗試。

故事係上個星期天朋友介紹去和珍買臘腸,行過見到有間湯料店俾吸引了!這就是均成辦館,他們非常識得做生意,首先會介紹唔同種類湯料俾你,之後仲有得試飲,職員會慢慢解釋煲的方法及所需時間,就算忘記了也不要緊,因為每包湯料背後也有一個教你怎樣使用的貼紙!此外當日仲有買五送一的優惠,買任何五包就會送清補涼一包!(職員細說推廣不定時推出,而周末較多,可先致電詢問)

而最令人激氣嘅事係由於我花了很多時間去了解湯料,當我買完回轉頭想過對面和珍買臘腸時,和珍已經收舖。唯有委托我家主管,再行一堂!

我試過呢款果皮雪梨杞子無花果焗水後,發覺真係非常滋潤,而且啲果皮真係好香!每包材料可以用來泡三次多,職員提議第三次把材料剪碎更出味!本人極力推介,而我的同事也非常喜愛這款焗水!

價錢方便,每一Pack 內一共有三set ,一Pack $68 元!

經過測試,用這個size 最適合。