大失所望,京林屋

由幾年前已經想光顧,但徧徧左諗右諗。

見openrice 人氣高企,應該吾會中伏,點知?

我只可說我們要求太高了!

鰻魚飯一致裁定我煮得比佢好味⋯⋯很多

綠茶雪榚真的沒有茶味!兩様主打,也落選 😒

有時期待是幸福的。

Advertisements

嫁到這世界邊端三之營養湯水

做一個家庭主婦當然最緊要係識煲湯,但係其實我比我老公更加鍾意飲湯,所以其實真正係為咗自己而煲,哈哈哈!

其實一個星期吾飲湯已經好辛苦,好難頂,而坊間嘅乜乜工房亦唔係好啱我口味。所以唯有週末調動啲時間去購買煲湯嘅材料!

今次要介紹嘅湯係我表姨教我煲的,以下是我的改良版。粟米紅蘿蔔栗子南瓜煲豬展湯!

4人分量材料包括:(如果你購買的價錢比我貴很多,看來家庭主婦這份工真的不適合你)(如果你想所有材料都在同一地方購買,家庭煮婦這份工真的不適合你)🤫🤫🤫

栗子$11蚊一包

粟米$10。3條

紅蘿蔔$8.9一包 (惠康)

西班牙豬展$47 兩Pcs

南瓜$5一份 (事實係平都冇朋友)

一共$82

如果喜歡食南瓜,可以分兩次落,免得所有南瓜也容曬!

消費者要醒目啲

Comparison shopping 是常識吧所以就會出現 Hotels Combined 及 Trivago 等令人可以一次過作出同一個產品嘅價錢比較。但更精明既消費者會識找優惠碼,輸入後,更平!

但現實中,你往往估唔到同一間商店竟然會有唔同價錢!事原係,有一天我去萬寧買一樣美容產品,發現做緊推廣,咁就打算行完成日街先至去屋企附近嘅萬寧購買,咁就發現點解價錢同早上經過嘅萬寧唔一樣,就向職員詢問,職員話其實唔同地區嘅分店有唔同嘅價錢一啲都唔出奇。

有一天我老公再去Watson幫我買一些supplement ,又發現同樣嘅情況。職員同佢講因為我哋嘅分店要追數所以某些貨品較平!

而我估唔到係KK Day ,同一個貨品都有唔同嘅價格只係分別於pick up 嘅地方!所以作為一個消費者一定要夠醒目!

同樣情況嘅就係你用Eatgo 食緊一碟半價嘅嘢而隔離枱要用全數付款!

海街丼@鰂魚涌 乙評

在鰂魚涌覓食,發現這間日本丼飯店叫海街丼,openRice內的食評不錯,全部都是正評,所以就決定一試。這條街很多間餐廳都是以北海道為主打,看來想打造成一條北海道街。

店舖內外的裝修及衛生都唔錯,食物方面以丼飯為主。有些女孩子唔多食飯,喺呢間店舖就冇可能叫到啱食嘅嘢!

午餐可以的選擇不多,包括魚生丼及炸豬扒或炸雞扒丼,餐牌只得兩頁。噱頭方面就是可以$5加汽水,仲要係罐裝再比一杯冰,抵讚。另外碗內是刻有店舖的名字十分有heart。

味道方面,魚生尚算新鮮,只可惜飯太多,魚生真的太少了,簡單來說碗內的魚生食,不足以讓你完成所有飯!同行的大皇都有同樣的評價!

店內唯一的小食就是凍辣番茄,That’s it !

何超台灣牛肉麵:玖五牛肉麵

睇完何超蓮訪問,好想試吓佢口中嘅冇味精台灣牛肉麵,結果今個假期就特登去了灣仔一試。

店鋪位置在銅鑼灣同灣仔中間,由於店子的位置非旺區,所以的確會影響人流,而且價錢亦不算平,$80至$90一碗麵,不是人人可以接受!

當日唔使排隊,大王次試咗蕃茄湯底而我就是紅燒味!飲品方面大家也點了冬瓜珍珠奶茶。

味道總括係OK但沒有什麼surprise ,店員也十分有禮。既然冇味精而係何超蓮又推動環保用鋼飲筒,大家不妨支持下。