德島"一鴻"食阿波雞

去德島食阿波雞睇阿波舞是常識吧!

旅途中遇到一對夫婦任生任太介紹我們到"一鴻"用餐,這間餐廳的阿波雞人氣十足。

由德島駅大概行12分鐘左右,就會到達一鴻總店,最適合我們去睇阿波舞之前醫肚。我們點了炸雞沙律,燒阿波雞髀,西京燒雞,及阿波鳮粥!

如果你喜歡食雞的某個部位,例如雞嘅雞尾或雞胸雞翼等你也可以特別點這些部位,餐牌也有列出阿波雞所有部位的吾同價錢。

所有野都好好食除咗西京燒的味道唔係咁適合我哋。而我特別喜歡個雞粥好鮮甜!

如果大家唔想傷頭腦,也可以考慮食佢哋嘅Tasting Menu價錢也非常合理!

Advertisements

德島拉麵-麵王

麵王雖則係德島好出名嘅拉麵餐廳,佢其實係四國各縣都有分店吾一定係德島食,而我哋就一次過試咗位於高知城附近的一間及位於高松駅附近的一間,發現大有分別。

高知城果一間食第一啖,已經驚為天人,太好味了。湯頭濃郁,肉片入味,每人一份免費辣牙菜及生雞蛋。我地一人一碗拉麵再加每人一份餃子,另外再加一碗白米飯。餃子質責一般,只可借最好味的餃子安兵衛今天休息,否則我地一定再有下場。

麵王仲有一樣非常之貼心的服務,就是為顧客提供hair band ,長頭髮的客人可以扎好頭髮先慢慢享用個麵,太窩心了。

我同老公一向都唔係拉麵粉絲,什麼一蘭、什麼豚王、我哋都覺得好食,反而今次真係有啲驚喜。

此時此刻,豐富的湯在我的口裏翻滾⋯

食完之後我哋就去咗食pancake甜品,其實已經夠飽不過有啲口痕,都唔明點解份pancake咁大份都要一人一份?

至於高松市玉操公園附近的那間麵王味道真的有很大的差別,唔知點解硬係冇咁好味,而且有啲偏鹹。

高知土佐久禮市場及道之駅

晨早起床去高知駅的周日市場,條街比花園街仲要長,街尾位於高知城!行完後就出發搭新幹缐去土佐久禮。到土佐久禮有兩個目的,1)當然是土佐之禮市場 2)道之駅的海王浜燒及風工房甜品

由於巴土疏落,我地決定步行20 分鐘去道之駅用海王浜燒作午餐,回程再去土佐久礼市場。由於兩個地方都早收大概三至四點,只可自行取捨。

道之駅是一個集合了幾間餐廳及一些兒童設施的休閒區。只要順着海邊行就會行到。這地方很適合家庭日。周邊還有音樂,很relax。

海王浜燒不缺捧場客,我們大概等了二十分鐘才有位,到有位時,鮑魚已售罄了。如果吾想食浜燒,佢也有吾同款式的鰹魚定食!我地二人點了一份雜錦海鮮浜燒,一份熞魚刺身,同埋半打生蠔作浜焼。

Tips :千其吾好坐戶外,因為d炭灰周圍飛。

食完浜燒當然到了主打"風工房"的士多啤梨甜品,我們外賣了甜筒及蛋糕,真的很美味,連相都忘記了影。戶外的枱都是任坐的,加上輕鬆的音樂心情極之愉快。

https://www.nakatosa.com/shop/kazekoubou/

回程路經土佐久禮市場,也差不多收檔了。