Sino Japanese Peace Conference 馬關條約 1895年 @下関

一早起身由熊本出發經小倉到達下關唐戶市場,食個午餐。其實我們以前已經嚟過呢個市場,只可惜當天不是星期天檔口沒有開門。

今次親身經歷發現其實係好搵笨,首先魚生唔係特別新鮮,又唔係特別平,而且啲飯好鬼凍,真係中伏!🤦‍♀️反而係博多駅同一個價錢可能食得仲開心仲新鮮。如果大家有機會去唐戶市場,我會建議你哋去2樓的地道餐廳食仲舒服仲好味⋯⋯這是我第一次到來的經歷。

當天人流非常之擠擁,我仲不經意把帶子燒汁自己到咗落羽絨身上。

食完之後,老公大人就話不如開海帆樓行一行,海帆樓其實是一間酒店位於唐戶市場對面。這酒店正是李鴻章當年在這裏住宿。海帆樓隔離就正是日清講和紀念館。雖然這個紀念館極之細,但估唔到都好多人特別到來參觀。

有關馬關條約的資料,可以瀏覽以下網址。

https://zh.m.wikipedia.org/zh-tw/马关条约

博物館對面再向唐戶市場方向就會見到巴士站,由於唐戶市場距離下關駅差不多30分鐘所以都是搭巴士為妙。

Advertisements

九州小倉城

大阪城、熊本城、大家都可能去過。今次我要介紹的規模比較小一點的小倉城,呢個城堡由小倉駅步行大概12分鐘就到,無需要搭車,當我到達嘅時候剛剛開始下雪,景色十分優美。

小倉城一共四層,最高嗰層仲有一架Seventeen雪糕機,大家可以買個雪糕嘆下先至行返落嚟。

地道九州別府溫泉一泊二食私人風侶

ホテル名

別府温泉 客室露天付 旅館 和み月

住所

〒874-0032大分県別府市上人本町11-18

宿泊施設電話番号

0977-66-7

特如其來的3600 jpy 樂天coupon ,結果用黎以24400 円訂了呢間酒店一享佢既客房私人偑侶的地道旅館。由別府駅乘26號巴士大概15分鐘就到達車站龜川XXKFC 站車費280円。樂天旅行網站內設有一個RaCoupon專頁,這裡提供最新的RaCoupon資訊,會員可以在這裡找到最新推出的折扣券,也可以按地區搜索折扣券。,

以這個價錢一泊兩食,都算超值,雖然不是華麗的酒店但房間也很整潔及舒適。

老闆及員工都唔係太識英文,以我唔鹹唔淡的日文尚算可以溝通到。

晚餐6:30開始,這個晚餐差不多好似永遠也吃不完⋯先來刺身併盤,再吃一大餐點,再來一個紙火煱,再來一份燒牛肉,以後再來一個焗薯蓉,跟著仲有天婦羅,最後是乳酪甜品。

真是很飽…

由於明知酒店距離市區很遠,而且很早會食晚飯,所以一早已經預備好蛋糕及其他小食,勢估唔到這個晚餐飽得驚人⋯真的多次一舉。

旅館不便之處是八時開始到達享用早餐,我一向對早餐都不大興趣,仲要八時起床🤬

旅館的大馬路對面有一間華麗cake shop “Keyaki欅"及一間類似Ikea 的日本家品店,大家不仿一往看看。其如時間當然必須用來享用客房的風侶。住客一般以日本人為主,trip advisor 有客人透露話可以安排接送,我到達當天叫別府駅案內所職員致電旅館來迎送,但接聽的職員説必須早一天預約,我相信就算打的也大慨2000円左右!

網站也說搭local jr 也可以到達…不過我當然忘記了。

博多駅附近兩間必食的放題

呢間位於博多駅 0101Kitte商場十樓名叫串家物語的餐廳CP 值甚高,佢食物嘅種類基本上唔少,雖則話食放題,由於價錢唔貴,食得唔多都唔會洩底。而且環境方面十分舒適,招呼亦唔錯我十分推介,小朋友和大人都一定鍾意。

價錢方便,午餐大人每位千五円,如果想加芝士醬加100円,如果想家無限暢飲每人再加200円,由於都係博多駅附近的商場亦同樣享有JR pass 優惠,今次的優惠是九五折。

本人覺得第一位最好味的食物是炸海老,第2位是炸雞,第三位是炸薯餅,第四位甜品區的草餅。

雖則限時90分鐘,慢慢嘆住食都夠晒時間。店內提供炸漿及炸粉給顧客造成吉烈效果,而我們則覺得無需要塗上。此外大家亦無須擔心餐廳會再用用過的油,因為每一次服務員都會細心清潔,而且換上新的油,冇花冇假,以下圖片為證。

第二間餐廳是樓上鋪,是博多駅附近筑䔝口大概步行12分鐘左右的燒肉放題店,佢有三個價錢由於我哋太想食和牛所以揀了最貴的價錢,嘢飲不包括在內。如果要無限暢飲非酒精飲品只需+490円。

肉質方便,和牛當然無得輸,此外用樽仔裝住的牛肋肉都非常美味,沙律方便,佢嘅炸蝦仁沙律真的極上美味。記住千祈唔好叫牛扒因為會浪費了quota。我們同時叫了很多生菜,用來包住肉食,非常美味。

雞方便,炸雞OK,燒雞唔算太出色,可以放棄。店內員工不多所以他們非常繁忙沒有耐性解釋怎樣用機order ,由於我們亦是第一次食所以比較心急叫咗好多唔應該叫的食物,浪費了啲quota。

有一樣野大家一定要留意,就係餐廳非常爆滿,必須定位。其實我哋係第一日到達博多時發現呢間餐廳,到想食那天見到一大班人上二樓,之後原班人馬樓梯就落返嚟,就知今次大鑊應該係無位。結果又同店員講問我們可唔可以等,結果佢叫我地八點半回來!

如果有機會再來博多,我都會再來幫襯。

u’d

2018北九州七天非自駕遊

出發前先在Kk day Apps購買北九州五天列車券,兩人成為1300港元,在香港機場取得換領券,非常方便比起其地與其他渠道買,兩人大概平$100。

今次嘅行程為七天,因為我一心想利用五天北九州列車券所以七天嘅行程就最適合,頭尾兩天無需要用pass。

此行程不適合初遊九州旅人仕,太多景點我已經去過所以不會再重複在此行程。

第一天到達博多食拉麵🍜作晚餐及串燒🍢作消夜。

第二天由博多出發到別府溫泉酒店,全程在酒店內享用私人風裏及酒店晚餐。

第三天由別府經小倉轉車到熊本,午餐在小倉市享用迴轉壽司,之後到熊本市逛一逛在享用晚餐。

第四天一早出發由熊本到三角,再坐船到松島,再出海睇海豚🐬。

第五天由熊本出發經博多到下關去唐戶市場,回程到小倉城🏯遊覽之後再回博多天神吃天婦羅作晚餐。

第六天由博多出發到長崎,午餐於四海樓,再參觀中華街及數碼軍艦島博物館,之後就回博多。

第七天午餐後再回酒店攞行李由博多駅坐巴士出發到機場。

此行享用過的優惠包括:

  1. 用中銀信用卡在Lotus Tour 購買A 12巴士卷有六五折優惠
  2. KK day 預先訂定北九州五天卷兩人一共慳港元$100
  3. 特選渣打信用卡免費享用香港機場貴賓室
  4. JCB信用卡機場換領免費巴士來回博多卷
  5. 博多駅買麵包用JRpass優惠100円,可無限次享用
  6. 博多駅KITTE mall 有馬餐廳放題用JR pass 優惠送每人免費飲品一杯
  7. 樂天網站預早book酒店享用特選客戶3600円優惠
  8. 用JR pass 優惠在JR熊本駅酒店餐廳享有九折
  9. 用JR pass 優惠在串家物語餐廳享有九五折
  10. 在長崎案內所攞到Digital 軍艦島博物館300円券
  11. 用JR Kyushu 集團會員可以用酒店價錢儲分,今次回贈了1800円及免費中午十二時late check out
  12. JCB信用卡免費享用日本機場貴賓室
  13. 全程利用自由鳥SIM卡推廣期購入每天$10的日本data

九州長崎一期一會 Revisit Nagasaki

今次主要黎長崎的目的係參觀佢嘅數碼軍艦島博物館。

一早起床由博多搭特急列車用兩小時到達長崎,到達後先去案內外所問資料同索取數碼軍艦博物館的優惠券。優惠卷每人300円,兩人一共600 Yen都慳返唔少。

乘搭1號往石橋電車由長崎駅出發到達大埔天主堂站下車(中途要在築町轉5號電車)先給車長120jpy ,佢就會給你一張轉乘車劵,很方便, 簡單來說一個價錢可以讓你去到兩個地方。

我們先到四海樓食個午餐。其實食物只是一般,但畢竟四海樓係長崎出名嘅餐廳,座無虛席等了45分鐘才有位,我哋叫咗一個湯麵一個炒麵都是順道一試。

由於數碼軍艦館Gunkanjima Digital Museum 就在四海樓對面所以很配合我們的行程。用優惠券後,每人千五円可進入數碼軍艦館,雖然館內面積不大,但設備及內容都十分之吸引,我本人覺得係值回票價。

//gdm.nagasaki.jp

佢用數碼大螢幕展示軍艦島的歷史及背景十分有趣。最主要係佢仲可以用VR眼鏡讓你近距離參觀軍艦島,這是一項十分有趣的體驗。

參觀完博物館下一站就是中華街因為老公又要食這個角煮豚肉饅頭。之後再食多一個甜品🍮。今日的行程就此完結又要搭兩小時車程回到博多。

其實我都好想參觀佢位於出島電車站的博物館及海鮮市場,可惜今次真的沒有多餘時間了。