Disneyland Explorer Hotel & Disneyland Hong Kong

今次屋企人選住嘅酒店係一間新嘅迪士尼酒店叫做Explorer, Sandra姐姐亦很好人幫佢哋搵朋友upgrade咗海景房,可惜佢哋逗留喺房嘅時間唔多,買咗兩日迪士尼樂園券玩完又玩。酒店俾咗一共七張fast pass 券俾我地,每張可以四個人玩一個遊戲。

兩日券喺澳門連結迪士尼網站網站買最平$649日,而一天券就喺香港明星旅遊買$528,而klook 剛剛做緊visa 折扣$508一個大人,不過係我去完才發現。唔講唔知,原來每一個地區嘅網站睇到迪士尼嘅票價都不一樣。等我仲同我表妹以為有精神錯亂,明明同一個網站點解大家睇既價錢唔一樣!而另一個選擇就係用渣打信用卡購買$589 一日券連套餐。

如果方便的話,最好喺明星旅遊買埋餐飲券因為樂園嘅食物真係超貴以為去咗堅離地城。例如$32 一支汔水,$28一支水。

https://www.bengsengtravel.com/hong-kong/tickets/disneyland.html

入場首先遇到一個難題,就是有look嘅小行李,都唔可以入場所以就要寄存行李了!之後一枝箭去租借兩架BB車同一架輪椅,一共$230(每架bb車$100,長者輪椅$30) 再加每架一百元按金。婆婆坐輪椅亦都有佢方便之處,唔使揸住拐杖行到腳都痛,而且玩某啲遊戲亦都有快線提供,例如獅子王表演及小小世界。

晚上一早訂了Plaza Inn 餐廳兩張大枱,食物味道一般,但都應該比其他迪士尼餐廳好,而且最主要係可以定位,可惜冷氣吾夠,同個侍應🤵🏻講佢話係中央冷氣然後俾了兩張A3紙巾俾我,投訴後開始涼少少,唔知唔係唔係因為中央配合,所以放寬涼度😂。

食完晚餐就喺附近睇巡遊🧚🏻‍♀️表演,之後再去玩多一輪。雖然樂園10點鐘才關閉但係八點半開始已經冇乜人玩遊戲,大部份遊戲都無需要排隊了,可以玩完又玩。之後再睇埋煙花表演🎇⋯⋯一日旅程結束。

別忘下載迪士尼Apps 了解表演時間同排隊程況呀!

假期樂園事實真係太迫,我都係建議請假去玩比較好。

2018旅遊用品推介 Travel Support Recommendations

1) 自由鳥🐦Travel sim

之前有推廣自由鳥sim $10一日,包括日本、台灣、澳門,韓國等。我因此膽粗粗一次過買定三個Trip、一共15日,所有data 2018,六月份到期。呢張卡既好處係買$50已經免郵費。以三個Trip 為例,可以買一張卡15 日不同日子不同地方用或分三張卡都🉐️,彈性冇人能及。

如果玩完突然想再加天數去其他地方,只要係Apps 到增值就得,可以繼續用張sim card。雖然而家加咗價做緊$12 一天,同様係抵。

呢張卡一入手提電話可以即時運作,冇需下載任何程式,一拿出來又可以留番d下次用,方便極了。

除此之外,有問題也可以直接打去佢哋客戶服務部啲職員非常有耐性解釋每項事項。值得一讚。

https://www.birdie.com.hk/tbirdie/zh/travel-to/japan

我吾係親身試過都唔敢推介,以後唔使再用麻煩Wi-Fi蛋,又要交還又要叉電。

2) Agoda 訂房

酒店網站太多,近排Agoda 的確做得好好,成為大部分最平嘅酒店圖provider ,佢唔單止提供好多延遲付款,如果你未book 好,佢仲會不時email 提醒你那間酒店價錢上升或下降非常貼心。

3) KK Day book tour

某些日本一天團的確是比自己去方便及更抵。例如熊本天草睇海豚。訂既時候留意kk day 優惠碼可以在www.meethk.com 內尋找。

4)Eatigo 訂枱

去東南亞地區例如泰國或者星加坡,又想食貴野又唔想洗太多錢,就一定要利用呢一個Apps去做Booking,非凡忙時間最多可以有半價㗎。

Get $25 rewards for your 1st attended reservation with Eatigo link http://refer.eatigo.com/eati1u3i-1va/3

Aroma Dessert Cafe at Tsuen Wan (評分B)

由於路經荃灣所以就決定一試網上推介的pancake shop。

價錢一點也不平易,質素用料其實也不差,賣相吾錯,只可惜不是我杯茶。先講pancake ,牛油味欠奉,其實個pancake 本身冇味可言而且太鬆只夠其他漿幫助調味。白桃沙冰,奶味太種,完全飲吾到桃味,很可惜,而Toast,雪榚太硬,不能和Toast滆為一體,Toast 不夠熱,此終係曼谷的Afternoon Tea 好食得多。整體沒有驚喜!仍需努力!

Aroma Dessert Cafe

網址: https://s.openrice.com/QrbS0gjG700

地址: 荃灣鱟地坊38-46號祐強樓地下42號舖

電話: 64337787

打邊爐的湯底 Hotpot Soup Base

慶祝節日,打邊爐是常識吧!一個假期問題係打一次定係打兩次🤨。

識食梗係係屋企打邊爐,一個美味嘅湯底當然唔少得。最冇誠意嘅朋友,當然會用濃湯寶或者史雲生清雞湯,多一點誠意嘅朋友可能會選用法國亨氏Hentz雞湯,更有誠意嘅朋友當然可以選擇自己親手煲一餐原汁原味嘅靚湯。

只可惜都市人時間唔多,要煲一煲湯只係買嘢可能已經花好多時間,今次我就要介紹更多嘅可能性!

今個聖誕我大膽試咗筲箕灣新開既"煮回家"!

雖然成為168hkd 一份的胡椒豬肚雞煲,不過都真係真材實料,啲味道亦都非常好,大家不妨一試!首先煲好個湯試吓真正個原汁原味,胡椒味真係好出但又唔怕太過辣,之後再用剩餘嘅湯用嚟打邊爐就啱晒。

就算唔鍾意打邊爐,都可以淨係食呢個胡椒豬肚雞煲都唔錯!雞煲份量一啲都唔小,兩個人一定食唔晒!

https://m.facebook.com/simplecookgroup/

一包湯包包括有一全隻熟鳮同一個熟大豬肚及一包濃縮湯。今次打邊爐中新嘗試用沙律Romaine菜出奇地好味。

2017 Dec Day 4 東京一天美食遊

首先一早去築地食個拖羅丼作早餐,星期天場內市場休息,所以冇得食場內食品,的確可惜。

然後行下築地,然後再慢慢撘車去神田駅食鳗魚丼。但好衰吾衰,間鰻魚食店星期日休息。原來日本很多小店也選擇星期天作休日,好彩好錯吾錯,大家一致決定一試附近的熟成牛扒店⋯⋯第一次初嘗熟牛扒,我叫了熟成34天(1520円200g),而老公大人就試熟成45天(1940円200g)。餐廳非常細小,只有bar 枱,牛扒實在太美味而這個價錢的確超值。

食完真是想睡吓,一致決定回酒店小睡後再出動排隊食昨天食吾到的迴轉壽司🍣。

位於銀座10樓來至北海道的根室花丸,其實昨天已來過但由於人太多放棄了排隊,點知今日末夠六點黎,又係咁多人,足足等了一小時多!如果大家吾想等可以考慮以下兩個辦法

1)八點後先來

2)改去東急B2樓的根室花丸同一間分店,不過只有立食,即冇得坐,冇🉐️迴轉

好彩都真係好食,尤其以下呢幾碟。我提議吾好食迴轉嗰d,又吾好order ,最好食剛剛出場那些,最正!跟據我的經驗,吾知點解order 叫嗰d特別細件。淺綠色碟的toro 連稅也只是367円,非常公道,而深紅色碟的高級toro連稅也只是453円。

食飽飽就出發去代代公園睇燈飾,真係要唱華仔既長夜多浪漫!雖然人頭湧湧,但所有人也有秩序地拍照。


2017 Day 3 橫浜半天加東京吉烈牛作晚餐

一早起床就去食飽d出發去動物園Zoorasia,這是日本全國最大的動物園。

日本食店時不時都會攪激安日,整天平售某種餐點,而酒店附近就剛剛去現了,由於時間尚早,人龍還未出現。

我當然選擇原價最貴嗰款餐,其實我老公當時仲發緊夢,食完先知500円連稅,超值。

先去Lawson 買Zoorasia 票因為有九折,購票機上簡樂園丶再簡關東就會簡到,如果吾識可以叫店員指導,買完票由新橫浜駅撘JR 去山口駅再轉巴士。

Zoorasia 係全國最大的動物園,但亦因為太大,動物太不集中,很難找!而且又冇表演。我本人喜歡福岡及大分動物園多很多。

晚上回到東京去了銀座食吉列牛扒作晚餐,吾錯,吾錯,地方不太,食物好味,價錢非常合理。但如果一家人就吾好黎,只有兩張兩人枱咋其他是bar枱。

以下1780円,中size的分量,好有睇頭!肉味吾算太濃,不過炸得啱啱好,肉質好滑。其實齋食吉列牛有啲悶,我建議兩個人,一個人叫一份最大嘅吉列牛,另外一個人叫其他吉列串燒share。

http://ginza-gyudou.jp

最後當然要去附近的星之乃咖啡食個hotcake 作總結,質素雖不及京都星之乃不過可以接受。order 時職員問係咪一碟兩個人share ,當然不是啦!係每人一碟😀再加兩杯凍咖啡⋯⋯職員話hotcake要等二十分鐘,我當然冇問題啦因為仲飽緊!

2017 Day 2 橫浜一天Yokohama

早餐係JR橫浜駅先O歎吓pancake 連無限任飲早餐再展開一天忙碌行程。咖啡有凍又有熱,仲有果汁簡。d日本人都勁飲。

Kirin Yokohama Brew Valley(要一早打電話預約免費參觀團) 而且好快滿,參觀全程用日文,不過也有中文講議提供。

http://www.welcome.city.yokohama.jp/ja/tourism/beer/kirin/tours.html

由新橫浜搭JR 至三麦駅再步行十分鐘就到。參觀大概40分鐘,再有免費啤酒及果汁任試飲。啤酒每天有三款試飲,我提議飲細杯,可以試晒三款,反正任飮!

咪忘記係Reception 旁影幅免費相留念,而老公大人當然又忍唔住手買吓T-Shirt 啦!

午餐享用附近的焼肉店!

利用紅色觀光巴士到達下一站中華街,o歏個生煎包,感受全國最大的唐人街,感覺很像長崎唐人街。

再乘紅色觀光巴到達紅專屋,由於觀光巴士班次不是太密,建議每次下車必要拍照巴士schedule ,方便自己不用等得太久。

紅專屋真的被聖誕的氣氛包圍,屋內有餐廳,甜品店及商店,屋外有聖誕booth 賣德國啤酒及腸!

太累了,又乘紅色巴士出發去的桜木町駅的末広食串燒作晚餐。由於太多客,都要等大概半小時。

橫浜加東京五天遊 2017 年最後一激

Day 1 Narita Express 由成田機場到新橫浜駅

入住Prince Shin Yokohama Hotel 兩晚

*利用Nex 4000 円外國人專用來回pass,購買窗口安排指定席

Day 2 橫浜一天

Kirin Brew Valley Yokohama (要一早打電話預約) -> 中華街 ー>紅專屋睇聖誕燈飾

*利用 遊客橫浜 1 day pass 550円

Day 3 橫浜半天加東京晚餐

全日本最大動物園Zoorasia -> 新橫浜Prince Hotel拿回行李 -> 東新宿Sunroute Hotel Check in ->東京銀座吉列牛晚餐 -> 星之乃咖啡室消夜

入住東新宿Sunroute Hotel兩晚 (比新宿Sunroute 平)

*利用 日本八達通 Iocca 卡在橫浜用,因為去動物園要用JR及巴士再用Iocca 由新橫浜乘JR去東新宿,晚上選用旅客48小時Tokyo Subway pass 1200円在東京晚上用

*利用日本八達通 Iocca 卡由新橫浜JR經菊口轉車用東急東橫線到東新宿,全程565円

Day 4 東京一天美食遊

築地市場 -> 神田駅 -> 回東新宿酒店小睡 -> 東急銀座晚飯 -> 睇聖誕燈飾

*利用 同一張旅客Tokyo Subway 48小時Pass

Day 5 再見東京

東新宿酒店附近o歎早餐再去超市買餸 -> 新宿駅 -> 住成田機場享午餐再上機

*利用同一張Nex円來回pass,以下是Nex 上車的位置

細說Pass

NEX

即Narita Express 成田特急,外國人用護照購票4000 円特價來回!吾算超值但價錢非常合理!尤其用黎去新橫浜就真係好抵。

Nex 只限指定席所以購票時可以一早mark 定回程的位,每張票只限更改一次!要小心,架特急烈車中途會離體去吾同既地方,所以mark 左位千其吾好走黎走去。

也可以選擇吾同地方用去程及回程。如果由新宿走,是no 5 &6 關口上車

Yokohama 橫浜

綠色那張是Minato Burari Wide Ticket 是外國人550円one day pass 可於新橫浜使用,好抵用,也十分方便購買,酒店及主要案內所也有出售例如新橫浜駅案內所,這張Pass 可以無限乘撘以下:

http://www.city.yokohama.lg.jp/koutuu/english/burari-tour.html

1)觀光巴士,某兩架觀光車只在周末運行及

2)市內公共巴士,上車前問問司機及

3)藍色缐地鐵 🚇 Blue Line

<<<<

JR Pass 雖然平,但無乜作為。

https://www.jreast.co.jp/e/pass/yokohama_minatomirai.html

Tokyo Subway Pass 東京Pass,可以在 Big Camera 及大站如銀座,新宿等購票。以住只可以在Big Camera 內購買,由於這是頭號旅客發表的不便,所以現在也可以在大站及主要案內所購買!

好處是扺,用的小時開始計算尤其72 小時1500円,等如500円一天,東京交通費昂貴,這張pass必備!

例如day 1, 1pm 用,買48 小時票就可以用到day 3, 1 pm ⋯⋯太抵,可以用到上機前。

http://www.tokyometro.jp/tcn/ticket/value/airport_bus/index.html

大家也可以考慮由成田出發的Keisei Skyliner (最適合住係上野駅的旅客) 或Tokyo Shuttle 及Tokyo Subway Pass 套票一同購買。

<

最後Tips

如果要玩橫濱加東京,我會提議周末在橫濱而周日在東京,原因係橫濱觀光巴士周末比較多班次同觀光路線,容易配合行程,而東京周末很多小店都休息例如築地星期天也休息,還有很多私人食店也是休星期天,所以好好安排會令行程更加愉快。