成田機場Narita Airport 

雖然羽田機場比成田機場距離東京市區近好多,但可惜飛機時間通常都唔係咁適合,尤其是廉航所以大家都係可能利用成田機場較多。

落機後 upon arrival 

如果要買Tokyo subway ticket 800 円,最好係機場買定,原來唔係好多地方有得買,又要就時間,好鬼麻煩!我就係犯了呢個最大嘅錯誤!如果萬一真係唔記得買咁就要去的Big Camera買!換言之就會浪費了一些行程嘅時間!

http://www.tokyometro.jp/tcn/tips/guide/pdf/tokyo_metro_guide.pdf

想又快又方便大家都可能選擇搭Jr N E X由機場到市區或橫濱等地區,而家仲有優惠外國人嘅4000円來回票,其實非常超值又可以慳時間,班次又多!但是你會發現N E X個中心好多人,而我又白癡地係Jr 中心內排了差不多半粒鐘買票,之後才發現原來Nex有兩個分開的counter!

其實我真心希望我老公可以留意下周圍嘅環境睇吓有咩可以幫手,好過企喺度狂上網囉!同佢投訴完,佢之後都好醒目地幫手排隊買箱根pass!

http://www.jreast.co.jp/tc/nex/index.html 


上機前 upon departure 

如果你喺新宿駅出發去機場嘅話,呢個就係你要到既no 5,6 口,去搭N E X到成田空港,佢喺新宿西口及南口中間左右,所以你一定要與鬆啲時間行去!


通常check in 都會預早到機場,所以亦都係醫肚嘅時候,係成田機場你一啲都唔洗擔心,因為佢喺入關之前真係有好多餐廳(以下圖片),而且價錢唔貴!至於入關之後我親身試過啲嘢又貴又難食。

Advertisements

係日本,想Late Check Out又吾想洗銭 ?有冇計?

其實喺日本join酒店會員真係好多著數,其中一項最普遍嘅著數就係可以免費延遲check out 時間!

今次我做咗一個實驗,參加左Sunroute Hotel嘅會員結果可以由10點check-out 變到中午一時 check out!

首先大部份酒店參加會員都係免費,所以呢啲著數都係免費,其他着數包括又可以儲積分等等,某啲酒店更有超特價嘅房都只供會員訂!大家不妨留意下。

*可能大家會講係香港要求免費late check out 好平常姐,只要房唔爆通常酒店都會盡量配合,但係喺日本遲咗交房大有可能斷鐘計或扣足一日房錢!