泰國Bangkok抵食優雅法國餐 – 必去

喺機場無意中睇到一本介紹泰國嘅書,介紹位於Phrom phong 呢間餐廳就炒起左個名,去到泰國之後再上網了解一下!發覺佢嘅評級非常好,而且一啲都唔貴!午餐只係390baht 就有三道菜加咖啡,晚餐都只不過係990 baht 。星期五,六仲有live Band。

我哋預先上網睇定餐牌決定食乜!最後竟然有機雞腿賣晒轉了牛面肉,老公開心到發左顛,事緣係佢唔想加錢食龍蝦,對魚又唔大興趣,海鮮更加唔使講,話想揀漢堡包當然俾我否決啦,結果揀嚟揀去唯有揀有機雞腿…

佢上菜嘅速度唔快唔慢恰到好處環境更加係一流,我星期一去食,沒有太多人,唔怕迫,感覺好寫意。用390baht 相等於一百蚊港元去換一份寫意,真係好值!

可以預先上網睇定餐牌同埋可以叫酒店致電餐廳為你預訂位!

http://www.levendomerestaurant.com/home/set-lunch-menu/ 

Advertisements

2017 🏝Bangkok New Hotel 曼谷新酒店,有邊間好介紹?

今年四月才完全裝修完畢正式開張嘅 137 pillars and suite 係個唔錯嘅選擇! 佢位於Phrom Phong ,距離B T S大概10分鐘路程。間酒店亦有免費穿梭來往B T S及酒店嘅免費車,雖然班次密,不過都好有幫助。 如果你剛剛由機場到達B T S phrom phong,你也可致電酒店叫車來接你,無需另外收費!


呢間酒店嘅好處係:房間好大好舒服而且所有職員亦都好有禮貌,好有家的感覺!

酒店價錢唔貴$950一晚包早餐,連續住三晚仲可以upgrade去one bedroom suite!如果一家人住仲有two bedroom suite 。

由於酒店房間不多,即係代表住客不多,所以早餐唔算太豐富,都係簡單咖啡,麵包,粥同埋煎蛋等等,不過亦有好處,就係泳池好似私人泳池一樣🏊🏻🏊🏻‍♀️

房內仲有洗衣機及乾衣機,遊完水可以洗乾淨聽日再遊。


曼谷的士司機太狼死,遊客市民現在有救🏥

如果大家有去過曼谷,都知的士司機又兜路又亂開價,令人不知點算好,同佢嘈,又破壞旅程,吾同佢嘈,明被人呃,又自己一肚氣。

大家可能心諗我講既救星一定係Uber ,咁你就大錯特錯,uber 又要登記信用卡,又有對換率,實在不是頭號之選!

今曰既推介其實係GRAB,呢個apps 相當好用,泰國人都用,而且是用現金找數,方便到極。只要用prepaid sim 登記就會收到密碼,乜個人資料都無須付!

http://s.nextmedia.com/magazine/r.php?a=3_58052055&i=20180411

用法同Uber 大同小易,你可以grab taxi 也可以grab car,仲可以grab bike 電單車 !Apps 的預算價錢已包括grab taxi 的booking fee 20 baht ,相當合理!Apps 一開預設係grab car,你自己輸入想去嘅地點再按grab taxi 及book 就可以了。apps 之後會出現司機的相片及車牌。


我親身試過grab taxi 也試過grab car,一般程況,我都會選擇grab taxi ,一來平好多,二來的士上有grab貼紙好易認!

真實過案,酒店直接叫的士由phrom phong 區酒店去曼谷機場,的士司機到達話要收500 baht ,我話冇可能grab taxi 預計282 baht ,結果酒店職員同佢講,佢話改收300 baht ,另外自付highway 。我當然選擇叫佢走,不如自己grab taxi ,當日又吾塞車,又無需用highway ,包括booking fee ,合供250 baht ,即係話第一個司機濫收一培車資!

GRAB 既問題係不是所有司機都識英文,如果佢打來確認位置,你可交被身邊既泰國人同佢溝通!

左呢個app你就可以Happy 遊泰國!

美麗的誤會Hotel Sunroute Higashi Shinjuku Tokyo

係我大懵,唔知原來新宿有兩個站一個叫新宿、一個叫東新宿!我一直都以為係新宿嘅東口,結果我book錯了一間同名嘅酒店。

行到櫃檯先至知道自己book錯咗另一間sunroute Hotel,當時感覺好驚慌唔知點算好,最後有一個好心人帶我由新宿搭車去東新宿!

位於東新宿出口兩分鐘嘅Hotel Sunroute Higashi Shinjuku當然比新宿嘅平好多,房間唔大不過好乾淨,又唔怕舊,職員十分有禮!如果做酒店會員仲可以有免費late check out !

酒店附近沒有新宿那麼繁忙周邊都很平靜附近仲有一間幾多野賣嘅超級市場,大家有機會不仿來呢度住吓!

日本士多啤梨 Japan Strawberry 

上次去日本咁啱係士多啤梨季節,所以真係食咗好多士多啤梨,唔同縣出產嘅士多啤梨都有食過,有平有貴,不過始終都未的起心肝捨得買白色士多啤梨!

今次我想同大家分享下出產自栃木県既士多啤梨,👍👍👍👍👍我覺得近排食過最甜又好味嘅士多啤梨,佢外型有條拐有啲似美國士多啤梨,價錢唔貴,但真係好清甜好好味!比起博多出產嘅更加好味!


以下係我旅途中見過用嚟送禮嘅系列,價錢毎粒計🤤!

日本JR 新幹線及Subway 地鉄撘車大法

大家都知日本新幹線出名方便,但同地鐵一樣,線路又多,又亂,諗起都驚!

求人不如求己,你可以先下載"换成案內"中文apps 或瀏覽yahoo.com.jp 利用火車icon幫你找到交通班次及閘口,做到真正不求人!


首先選擇你的出發的日子及時間,再用漢字輸入地點及想到達的地点,再按橙色位置!


就會出現最近及之後的班次時間,價錢及有冇需要訂位等等嘅資料。


你可以A位置來看到行車的那條線、還可以按B看看你需要經過的車站!也可以按C看更早的班次及D之後的班次及E位置看到車程所需的時間。

日本交通出名準時吾等人,這様方便一check,一定幫到你!