全京宴 The Only Kyoto Trip April 2016

今次行程為五日,全程都係京都,你冇睇錯,係唔會去大阪,因為之前去過,下次又會去。
你可能會話全程京都都唔會悶咩?咁平時全程馬爾代夫、全程布吉又唔見你話悶?

早上九時起機一點多到達關西機場,仲要坐大概兩小時車才到京都所以先醫下個肚!係關西機場消費,你唔可以缺少呢張KIX會員藍卡,呢張卡係免費的,可以預先係網到申請又或者到步係櫃檯叫職員幫你申請都可以。呢張咭有乜用?

機場折扣多囉囉,無印良品九折,機場大部份餐廳都係九折,Unliqo九五折!你張KIX藍卡真係好有用,係超級有用。👍

更多KIX 的資訊

http://mcha-tw.com/14572


到達京都先到Mystay hotel check in ,呢間酒店位於烏丸,不過不失,反正,住京都駅住到悶。


晚上當然喺四條河原町購物及晚膳。晚餐選擇了俠侶家刺身飯之後再去星之乃咖啡歎個新鮮出爐既hot cake 兩件,係每人兩件!


回酒店之前再去supermarket 買定d strawberry 歎下。

第二天,今日既行程都吾簡單,先去上賀茂手作市集,再去祇園天周歎個天婦羅海鰻丼,再去円山公園。



呢個市集一個月搞一次攤檔多的是,係一個非常值得去嘅市集。乘坐4號或46號巴士直達!如果我冇搞錯佢應該係每個月第四個禮拜日舉行。這是一個相當大型的市集,癱檔貨品大多都係自製,有食物、手袋、衣物及食物。有啲日本人一家大細喺附近搭個帳篷,好寫意。


祗園區天周成為1100 Yen嘅當係天婦羅食海鰻丼,質素唔錯、好多人幫襯!有時間不妨一試。吾喜歡海鰻也可以選擇大蝦或蝦雜菜丼!我們剛好在臨收舖時到達,日本人好準時,兩點鐘收舖,兩點就即刻收爐,清潔,係有生意都唔會做𠺢!


円圓山公園附近好多景點行極都行吾完,晚餐就是祇園牛禪,牛禪嘅質素越來越下降,真係不想一提,連相都唔想刊登。

第三天係呢個旅程嘅主打就係宇治 Uji 同伏見觀光,要去呢兩個地方當然少得京阪電嘅one day pass成為800円。你可以選擇係三条上車或祇園四条上車也可以。

http://www.keihan.co.jp/traffic/valueticket/ticket/ujifushimi1day/?_ga=1.2781684.559506135.1434365119


伏見既稻荷大社一定要去,好特別!位於JR 旁,十分方便。街頭還有十分多類型嘅小食,任君選擇!


第四天行程就係東映太秦映画村,忍者村是也!大部分酒店也有優惠劵,折扣後2000円入場費。

http://www.toei-eigamura.com/tw/food.html

𥚃面主要係唔同嘅時間有唔同嘅表演人來參觀都幾好笑嘅。




由於太秦就在嵐山附近我們就順道去食個米之蓮既廣川鰻魚飯啦。大皇當然又話唔夠喉啦,我唯有犧牲張我個份再俾啲佢食囉。


最後一天,行程就酒店附近的錦市場,再去鴨川附近食蝦拉麵,購物,上機回港。番到屋企已是1:45 am 😱

不得不提嘅係銀聯新出特選客戶嘅機場接送服務真係一流,只要簽滿$2000卡數係30日內預訂専車就可由家中送你到機場或機場送你回家只是$250,比的士更優惠而且司機十分有質素,七人車亦很舒服。

銅鑼灣壽司店比併

大王周末又要食壽司,結果決定試吓新野,舞鶴!

以下兩間同樣位於同一大廈,渣甸中心的高級日本餐廳,主打壽司!

舞鶴

網址 : http://s.openrice.com/QrbS073O700

地址 : 銅鑼灣渣甸街50號渣甸中心26樓

電話 : 3586 3038

八成光顧的也是熟客,sushi bar 大概有十三張櫈,想坐就當然要訂位啦!

師夫手勢一流,有講有笑,同客人無限交流!d Omakase 見到都口水流,例如刺身杯,師夫先用紫蘇葉薦底再加上生蠔切碎後,再加吞拿魚茸,上面放上海膽!yummy ,另一味火焰厚切吞拿魚,師夫先用火槍火焰厚切吞拿魚然後再用紫菜包起親手交給客人!再加埋師夫的解說其他order 普通野的食客真係好難頂!

  
令天我們只點簡單的八件壽司lunch set. 除了壽司,還有前菜,miso 湯,一個手卷,一客烏冬及餐飲及小小甜品,$220相當合理。再加埋聽多師夫不停跟食客分享的心得包括剌身的食法,梅酒的浸法,真的獲益良多。 佢話自己用台灣梅,及日本酒以及開始變黃的梅浸九個月至一年!

唯一可惜的是壽司刺身及飯都比其他餐廳袖珍,已火焰吞拿魚為例火焰後都冇乜肉乘!🙊   

  
第二間要介紹的是朋友帶我來的天膳,果然冇介紹錯。

天膳

網址 : http://s.openrice.com/QrbS0TfW000

地址 : 銅鑼灣渣甸街50號渣甸中心12樓

電話 : 2882 2107

我地三條女都點了八件壽司午餐!hk$220

由於大家也決定唔食烏冬所以可以多選兩件壽司。這樣的安排也很受顧客歡迎。甜品是免費雪糕。

刺身相當新鮮,尤其吞拿魚令人一試難忘! 平心而論,天膳壽司刺身的確比舞鶴壽司大件,但當然天膳沒有其他附加的食物例如手卷,餐飲,等。所以我嘅結論係兩間都好,各有各好😂😂,唔使我俾錢仲好!

此外,另一吾同之處就是舞鶴喜歡在每一件壽司到加上醬油而天膳就沒有加醬油的!

 
  

高質素日本Semi Buffet(舊文現已變質後結業)

我要推介既就一間位於銅鑼灣的日本餐廳,四季禅

網址 : http://s.openrice.com/QrbS0b1C700

地址 : 銅鑼灣,登龍街1-29號金朝陽中心2期Midtown 29樓 電話 : 2970 3218

食物新鮮,職員有禮,環境舒適,寧靜。                       不分時段,可以由六點食到十點!最適合長途賽既你。

可惜的是,暢飲需另加$88或香檳需另加$188!

晚餐,我會建議求其叫一款最平的主菜,因為semi buffet 的海膽及其他壽司,刺身,free flow 蟹腳,鐵板鵝肝,天婦羅才是主打!