博多消夜晚餐 Hakata midnight snack

在福岡消夜,大多數人都會選擇屋台,可是本人對於屋台興趣不大,反而想試試博多的燒鳥,一早選擇了店舖,行了十分鐘後到達,卻發現這是一間小店,沒有位多,唯有幫襯隔離那間居酒屋。

先黎兩杯highball ,一杯普通,一杯可樂highball,正!再黎兩set串燒,每set 六串,內容random,焼腩肉,正,再加一位餃子,及一個溫泉蛋沙律,份量剛剛好!




回酒店前當然要去七仔試吓雪條,有款七仔mango雪條吾錯而Royce 的抺茶雪條更是絶,must encore!好後悔第一天沒有發現這珍品!

Advertisements

博多觀光 Hakata

博多你可以選擇去canal City shopping ,去bayside place o歎一個海鮮丼及任選新鮮壽,再行行大豪公園。

若行程篇多,提意你先在巴士上購買一張620円一日任搭巴士劵,咁轉車,搭錯車都冇問題啦!我本人覺得一張bus pass 已很足夠,冇須購買820円的巴士連地鐡一日通。

原本我地係去bayside place 食bbq 燒蠔,但結果又選擇了食魚生,不過並没有選錯,d魚生好新鮮,海鮮丼送的並不是麵鼓湯而是一碗大的魚湯,很鮮味!特別推介切粒tuna,好味到癲,平時香港食嗰d碎呑拿,簡直冇得比!結果頂吾順,再encore 兩件碎粒呑拿!




大豪公園環境很美,又可以玩坐鴨仔1000円三十分鐘享受吓呢個美㬌。




別府溫泉酒店-杉乃井 Beppu

別府有間係大型的溫泉酒店,我一定要極力推介。這間酒店名叫杉乃井。http://suginoi-hotel.com/english/stay/index.html

特別之處是佢有一個溫泉泳池。

怕羞的你吾想赤祼浸溫泉又或者吾想洗太多錢定私人風侶酒店,仲有好野食,呢間就啱曬!

位置不近別府駅,但酒店差不多每十五分鐘就有shuttle接送,十分方便!shuttle運行時間由早上五時許到晚上十一時。若你想check in 後再出去,都冇問題。

酒店分兩館,本館及 Hana 館,每晚兩人連早晚餐及溫泉大概22500jpy ,十分超值!酒店内還有大型game centre 及bowling center。溫泉泳池內每晚也有多次激光表演。




晚餐回本菜抱括,燒蟹,刺身,天婦𡤢,鰻魚飯,牛扒等!一定好味也夠飽!