凱悅軒@ Hyatt Regency TST

今次我地要試位於尖沙咀凱悅酒店裏面嘅凱悅軒呢個點心放.題。我地選了早餐時段因為有七折優惠!要享用此優惠,要先到官方網站或 Openrice 訂枱。十二時前要還枱。

本人覺得所有食物都係中上,非常之有水準。我特別喜歡蝦仁菠菜餃,半肥瘦叉燒及老火例湯!

粥粉麵飯太飽肚了,年紀大應付不來,我們當中只選擇了避風塘蝦仁炒河,加埋奉送的XO醬特別出色!

我現在不能吃牛唯有望梅止渴,老公大人點了牛肚及一粒西洋菜牛肉球!

炸嘢方便,比較喜歡春卷及鹹水角,好新鮮唔油膩好脆口,沙律名煆角反而麻麻地!薄餐也相當唔錯⋯⋯

成餐唯一敗筆係個粉皮真係麻麻地!

如果第一輪食得太飽又唔想蝕俾佢,一定要order呢個酸蘿蔔,包保你可以encore多一輪都冇問題!今日嘅甜品係綠豆沙同桂花糕,好味但冇surprise。

訂位方便,我會建議選擇唯一張分開喺另一邊嘅卡位,寬躺得來又有私隱!

今天由於太趕,忘記了儲Asiamiles也忘記了儲凱悅會員積分。天呀!

雖然老公大人對於今日嘅安排都好滿意,不過仍然話南海1號嘅豆瓣醬好味啲!吹漲

蒸氣火鍋 part 2

今晚在家encore 蒸氣火鍋,材料改了為特大扇貝,特大聖子,特大鮑魚,花螺,用粥底做火鍋!

今次採用日本白雞湯底,史上估唔到咁好味!雞湯在激安殿堂購買,$19.8!total $300

首先放入白米,加入雞白湯準備好,準備蒸海鮮!最好味嘅竟然係個粥,好味到痴線!第二好味,係鮑魚呀,扇貝反而太大隻唔夠細隻咁鮮味,真係估佢唔到!

在家享受蒸氣火鍋

大家出街食蒸氣火煱試得多,但要好味又新鮮,閑閑地每位都五百以上,係屋企係又新鮮但又慳!

打邊爐最緊要係乜?係個爐(滔滔話嘅)

蒸氣火鍋最緊要係乜?係蒸氣架☝️

呢個蒸架平到冇朋友,Aeon 特價$49

食蒸氣火鍋海鮮當然唔少得,今次我們選擇了扇貝、獅頭魚丶紐西蘭青口及賴尿蝦!鮮味十足。至於湯底我哋用咗蕃茄薯仔九棍魚熬製!真係冇得輸!

今次嘅賴尿蝦比較細隻,不過好鮮甜。好新鮮擺喺枱面都仲跳跳吓🤣!

如何慳錢叫外賣?

在這疫情當中,叫外賣可說是難以避免的事情。

坊間有好多唔同的外賣Apps也推出了唔同的優惠來吸引客戶!

1) 記住首先留意魔鬼價錢,即是在Apps內刊登的價錢是否同店內一樣,如果Apps的價錢比店舖貴就算有減價都得個吉,變相可能仲貴咗!

Example 1 安利大排檔相對Foodpanda Apps

首先在Openrice 找出最近的餐排價錢,例如原條魚片$80,然後發現Foodpanda 餐廳列出的價錢是$102 ,即標價在 Apps貴了$22,即27.5%!就算免運費再加優惠碼,都係打個喎冇着數⋯⋯太蠱惑蠱惑

2) 此外留意餐廳本身有冇同Apps做推廣,買滿幾多錢可以有折扣?再加上Apps本身的優惠碼,就可以抵上加抵。例如匯豐red credit card 就有 Deliveroo 長期外賣優惠碼!

Example 2 鼎泰豐銅鑼灣分店選用Foodpanda 訂外賣自取

已測試了店內及Apps 的價錢一樣,可以進行店舖折扣再加優惠碼!

以下訂購原價$150,由於店內買滿$100有八折,八折後$120 ,再用自取外賣優惠券減$15,付款金額$105。

此次外賣一共慳了$45,即等同七折。

3)相比不同外賣App 的優惠,不要用死一間。

最多優惠當然係做新客戶,所以必須開吾同 Apps 好好利用迎新優惠,例如可以用埋屋企人d account ,慳完再慳

一間於北海道小樽不能錯過的超浪漫餐廳

小樽總給人浪漫的感覺,尤其在冬天,那份浪漫更加澎湃!

我都去過小樽大概四次,而最令我難忘的不得不提以下的餐廳,我好慶幸能夠到次一聚,畢生難忘。

這坐建槳物主要分為幾部份,門面是一間平平無其賣雪糕及炸雞的舖頭,穿個雪糕舖會發現一間售賣小樽玻璃的舖頭,最出名的莫過於它們的豉油樽,很精細。而在另一邊就是一間點了過百支古油燈的甜品舖。這裏的氣分就是令人陶醉…食物方面雖然不是亮點,但我記憶中味道也不錯。

不知我的AI 人還記得這次的體驗嗎?

店舗紹介

粵曲中心:滿樂中菜

今天有幸到來尖沙咀西九粵曲中心,這地標的建築非常特別,有點日本建築物的風格,非常優雅!大家可以來參觀下,打下卡!

就算對粵曲冇興趣,你都可以好似我咁嚟飲吓茶㗎!

Moon Lok Chinese Restaurant
URL: https://s.openrice.com/QrKS05by4W0~uqNrbAw
Add.: Shop 2-4, 1/F, Xiqu Centre, 88 Austin Road West, Tsim Sha Tsui

今天大部份食物也合乎水準,唯一炸兩淋了點⋯佢哋嘅煎炸食物係即叫即炸,非常鬆脆,尤其蘿蔔絲酥餅,外脆內軟!蒸點心方面,我哋試咗,燒賣及豆苗餃,都好味!

佢嘅員工非常有善,食物水準相當吾錯,價錢雖然不算平也算合理!雖然疫情在即,仍高朋滿座!至於其他粵曲中心內的舖頭都拍晒烏蠅⋯⋯

如果想有價錢優惠,不妨下午兩點之後來,可享八五折。訂位方面可以選用OpenRice,仲要再送你25分里數。

Asiamiles 就到期有乜計?

大家都知Asiamiles嘅基本玩法,但如果積分就嚟到期你可以:

A) 將積分換酒店或禮品券,但你要接受這個方法係唔抵,但都好過唔用,蝕俾佢!因為一晚酒店房需要的績分是大約或多過一套日本來回機票的…以疫情為例,方間房價急跌但Asiamiles 績分換領的要求則企硬。

B) 將積分換一個超遠嘅日期嘅機票例如一年後,然後萬一佢起飛時間有變或有其他更改,你不能接受就可以免費取消,退回積分順延一年。萬一佢沒有更改而你又唔想飛可以用1000分更改另一個日子!

C) 叫工人姐姐俾心機D做,做得好送一套機票俾佢返鄉下探親,仲有30個行李kg ⋯⋯

希望呢三種方法可以幫到大家。

*至於由2020年1月新儲嘅積分應該沒有這個問題因為只要每18個月用一次就可以無限到期日。

"健康原困講多D"節目分享

大家有沒有去過日本四國小豆島?我就有幸去過兩次,因為第一次我老公無意中刪除晒電話裏面小豆島的相片令我晴天霹靂,佢結果應承陪我去多一次亦都係短期內對現!👍

小豆島出名橄欖油,根據測試大部份居民的血管也比實際年齡年輕15年左右!

原來要保持血管年輕,秘訣係都多食橄欖油及麻油⋯⋯有些人加入沙律,有些人加入乳酪,或者用橄欖油楂麵包也可以!